عفاف رشاد.. لماذا أقدمت الفنانة على إلقاء نفسها من شرفة المنزل وما علاقة السبكي؟

تحل اليوم السبت الموافق 30 ديسمبر، ذكرى ميلاد الفنانة عفاف رشاد ال 66، فهي من مواليد 1957، وبالتزامن مع تلك الذكرى يرصد تحيا مصر سبب إقدام عفاف على إلقاء نفسها.

نجل عفاف رشاد يمنعها من الخروج

وقالت عفاف رشاد، خلال لقائها مع الإعلامية مفيدة شيحة، مقدمة برنامج الستات، المذاع عبر قناة النهار وان الفضائية: ابني عمر ايام جائحة كورونا قفل عليا البيت، ووقتها كنت بصور مسلسل الاختيار علشان منزلش وكنت هرمي نفسي من الدور الرابع.

محمد السبكي يؤيد نجله في منع عفاف رشاد من الخروج

وأضافت: كلمت زوجي محمد السبكي انه يكلم ابني علشان يوافق، وزوجي اتفق مع ابني عليا.

وعن تفاصيل زواجها من محمد السبكي، أوضحت، كنت زبونة عندهم في محل الجزارة قبل دخوله مجال الفن، وكنت لسة مطلقة من سامي العدل وصغيرة، وفي البداية قلت للسبكي أنا مش عايزة أتجوز".

واستكملت: الفنانة عايدة رياض شجعتني أتجوز محمد السبكي، وكان جواز عادي مش حب ودموع، لإني لقيته زوج مناسب وراجل ابن بلد وطيب، وأنا عايزة واحد يكمل معايا وأخلف منه، واطلقنا مرتين.

وأردفت، كنت مهتمة بمحمد جدا أول ما اتجوزنا، ولما خلفت عمر أهملته تماما وكان له حق.

سبب انفصال عفاف رشاد ومحمد السبكي

واستطردت، محمد السبكي قاللي يا تبقي أم يا تبقي زوجة، إنت متنفعيش تكوني الاتنين، واخترت أكون أم.

وأشارت عفاف رشاد، كنت أتمنى الزواج يستمر وابننا يتربى بين أمه وأبوه، وطلبت منه لكن شاف إني عايزة أرجع له مصلحة وفضلنا أصحاب.

واختتمت عفاف رشاد حديثها قائلة: من ساعة ما انفصلت عن محمد السبكي علاقتنا أصدقاء، وساعدني في تربية ابننا عمر وإنه يكمل في الجامعة ويسافر ويحقق أحلامه.

اقرأ أيضًا.. 

إلهام شاهين تكشف عن كواليس تحضيرها لشخصية سوسو في مسلسل الفريدو 

إلهام شاهين: لما عملت شخصية الإرهابية في بطلوع الروح كنت بروح اقعد اعيط طول الليل 

هذا وقالت عفاف رشاد في تصريحات خاصة لموقع تحيا مصر: ليه الناس بتقول أننا بنوحش صورة المرأة المحجبة، ليه بيقولوا كلام وحش زي ده؟ هو مفيش واحدة محجبة حواجبها تخينة؟.

وتابعت، ليه بنتكلم حواجب إيه وبتاع إيه مفيش كده وفي محجبات زي القمر وفي ناس بتبقى وحشه و لما بيلبسوا الحجاب بيبقوا حلوين جدًا.

وأضافت، الناس بتتعب وتصور المسلسلات  وصرفوا ملايين عشان تتبسطوا مش عشان تيجوا تقللوا منها مينفعش طبعًا.