بعد تصريحاتها عن الانفصال.. بسمة بوسيل تتصدر تريند جوجل

تصدرت الفنانة المغربية بسمة بوسيل تريند محرك البحث الشهير جوجل، وذلك بعد تصريحاتها لأول مرة عن طلاقها من الفنان تامر حسني نجم الجيل.

تحيا مصر

بسمة بوسيل: أصعب قرار خدته في حياتي هو الطلاق

قالت بسمة بوسيل: أصعب قرار خدته في حياتي هو الطلاق، لأنك بتبني حاجات لمدة سنين وفجأة تكتشف أنها لازم تتهد، وأعتقد أولادنا متفاهمين موضوع الطلاق، لأنهم شايفين العلاقة بينا بقت أحسن، ومش بالضروري إننا معرفناش نكمل كزوجين منبقاش أصدقاء.

تصريحات بسمة بوسيل 

وتابعت، عدى عليا سنتين صعاب جدا خسرت نفسي فيهم، والدي مات وبعدين اتطلقت من تامر حسني وكل الحاجات الصعبة جت ورا بعضها، بس ده خلاني شخصية قوية ولقيت نفسي من جديد.

وعن علاقتها مع أولادها قالت: بقعد كتير مع أولادي وباخد رأيهم مش علشان يحلوا معايا المشكلة، ولكن أنا بربي أولادي على البزنس، لأن المدارس مش بتعلمنا اللي الحياة بتعلمه لينا، عمري ما كان فيه مقارنة بين شغلي، وأولادي علشان أختار بينهم، لأنهم أهم حاجة عندي، وأهم إنجاز في  حياتي، لأنهم علموني أفهم كلمة أم، بيخلوك تحس بأحسن وأنضف المشاعر اللي بدون مقابل.

بسمة بوسيل تكشف عن طريقة تربيتها لأولادها

وتابعت، أنا طول الوقت شاغلاهم بحاجات تشغل دماغهم، هي بتبقى متعبة ولكن أحسن من أنهم يضيعوا وقتهم في اللعب، أنا بحس أن المدارس مبتعلمناش اللي الحياة بتعلمه لينا، وأنا بنمي البيزنيس في شخصية ولادي وبقيت أوديهم معايا اجتماعات، وبنتي عندها 10 سنين عملت براند لنفسها واختارت اسم واللوجو وكنت مبسوطة أوي بيها.

وأضافت، ولادي علموني حاجات كتير أوي وأولهم أعرف قيمة أمي، وهما أكبر إنجاز عملته في حياتي وهما الحب الحقيقي وأصدقائي، بيحسسوني بأحلى المشاعر اللي في الدنيا بدون مقابل، وهما طول عمرهم أولوية بالنسبة لي ربنا إدالي أحلى حاجة في الدنيا.

اقرأ أيضًا.. 

ناقدة فنية عن غادة عبد الرازق: سلوكها في اللوكيشن كان بيبقى حاد وبتتخانق مع المنتجين أوقات 

حنان يوسف: العلاقة بين البنات والولاد سيئة جدًا

واستطردت، طبيعي أن ولادي يطلعوا بيغنوا علشان صوتي وصوت أبوهم، وحاسة إن أمايا هتبقى نجمة.