يسرا عن كثرة حالات الوفاة في الوسط الفني: حاجة تخوف.. وبقالنا 10 سنين كدا

حرصت الفنانة يسرا التعليق على كثرة حالات الوفاة في الوسط الفني خلال الساعات الأخيرة، وذلك خلال لقاء لها ببرنامج et بالعربي.

تحيا مصر

تصريحات يسرا الأخيرة

وقالت يسرا: احنا كل يوم بنفقد حد مهم، بقالنا 10 سنين كدا، كم اللي راح من نجوم وكتاب وفنانين حاجة تخوف وصعبة، زي الشجرة الكبيرة اللي مليانة قناديل وكل شوية قنديل يقع وهتطفي بعد شوية.

بتروح المستشفيات وبتفرق عيش وفتة على الناس.. ليلى علوي وإيناس الدغيدي يكشفون إنسانية يسرا

علاقني بربنا قوتني وأنا نمبر وان الوطن العربي.. أبرز تصريحات يسرا في ندوتها بمهرجان الجونة

تصريحات يسرا في ندوتها بمهرجان الجونة

وسبق وأن تحدثت الفنانة يسرا عن أبرز محطاتها الفنية على مدار مشوارها الفني، وذلك خلال جلسة نقاشية أقيمت لها على هامش فعاليات مهرجان الجونة السينمائي، وكانت تدير الجلسة المخرجة ماريان خوري.

وقالت يسرا: عندي محطات فنية مهمة كتير مع مخرجين وكتاب وأساتذة سابوا في كل حتة فيا بصمة، بدليل أن النهاردة لو بقيت نجمة كويسة أو بقى عندي أرض واقفة عليها دا من الناس اللي اتعاملت معاهم، أنا متعلمتش لوحدي، أنا معرفتش كل حاجة لوحدي أنا ممارستي مع الأساتذة اللي اشتغلت معاهم علمتني حاجات كتير.

وعن تعاونها مع السيناريست وحيد حامد والمخرج يوسف شاهين، قالت: أستاذ وحيد حامد أول مرة اشتغلت معاه في فيلم أرزاق يا دنيا، وكنت بروح أفضفض معاه في حاجات كتير والاقيه هو اللي بيحلهالي، وأول مرة قابلت فيها يوسف شاهين قولتله مش هعرف اشتغل معاك.

إحياء يسرا لذكرى هشام سليم

وفي وقت سابق، حرصت النجمة الكبيرة يسرا على إحياء الذكرى الأولى لوفاة الفنان هشام سليم شقيق زوجها بعد معاناة مع مرض السرطان.

ونشرت يسرا مقطع فيديو لإحياء عدد من النجوم ذكراه، عبر حسابها الرسمي على موقع تبادل الصور والفيديوهات القصيرة انستجرام، وعلقت يسرا على الفيديو، قائلة: وحشتنا ومفتقدينك أوي أوي يا هيشو.. كل حاجة بيننا كانت أحلى وأسعد الذكريات.. الدنيا فضيت علينا من بعدك بس سيرتك الحلوة مكملة معانا.. وحشتنا أوي يا أغلى الناس، ربنا يرحمك ويهنيك بالجنة ونعيمها.. فضلا وليس أمرًا برجاء قراءة الفاتحة والدعاء لهشام سليم.