غادة عبد الرازق: ملتزمة دينيًا.. وارتبطت بأشخاص أكبر مني بسبب وفاة والدي

فجرت الفنانة المصرية غادة عبد الرازق عدة تصريحات خلال حلولها ضيفة على برنامج كتاب الشهرة الذي يقدمه الإعلامي اللبناني علي ياسين و يذاع على قناة الجديد اللبنانية.

تحيا مصر

سبب ارتباط غادة عبد الرازق بأشخاص أكبر منها في العمر

وقالت غادة عبد الرازق: وفاة والدي وأخويا وأنا في سن صغير خلاني ارتبطت بـ أشخاص أكبر مني، وبعد والد روتانا ارتبطت مرتين بالأكبر مني في السن جدًا.. وكنت بحاول أدور على بابا تاني، والمبرر في إني كنت بتجوز حد أكبر مني بـ 25 سنة إني كنت بدور على بابا مش حب.

تصريحات غادة عبد الرازق 

وتابعت غادة عبد الرازق، أنا كنت دلوعة بابا جدًا، وقبل ما بابا يتوفى بـ 3 أيام كان مبسوط، لأنه كان هيبقى وزير وحصله هبوط في الدورة الدموية، وتاني يوم الساعة 7 الصبح عرفنا إن بابا توفى، ومش فاكرة هل اتكسرت أو ضعفت.

واستطردت، أنا عمري في حياتي ما روحت لـ قبر بابا لأنه مدفون في الشرقية، وروحت لـ قبر ماما مرتين من يوم ما اتوفت من 18 سنة وتعبت نفسيًا جدًا، لأني روحت الساعة 2 الصبح وفجأة تملكني الخوف أن إزاي أنا دخلت المقابر في الوقت ده ومن ساعتها وأنا بتعالج من الخوف.

غادة عبد الرازق: فكرت في الاعتزال كذا مرة وبرجع في قراري

وأوضحت غادة عبد الرازق، فكرت في الاعتزال كذا مرة وبرجع في قراري، لكن دلوقتي لأ، حتى لو عايزة اعتزل هسيب الاعتزال ييجي بطريقة ربانية مش بقرار مني، لما ربنا يقولي كفاية عليكي كده.

واستكملت، أنا ملتزمة دينيًا الحمد لله ومش من الشخصيات اللي بتلبس حجاب، لكن هو حاجة كويسة وأغلب أهلي محجبين، ومفيش عندنا حاجة اسمها إجبار على الحجاب.

وعن حرمانية التاتو، اختتمت غادة عبد الرازق حديثها قائلة: أنا ست مسلمة ومش عيب أقول إنه حرام، وعرفت إنه حرام ومش عايزة أعمله، ومكنتش أعرف الأول إنه حرام لأني عملته وأنا صغيرة وهشيله.

اقرأ أيضًا.. 

كنت بقوله بلاش سجاير.. نهال عنبر تكشف عن نصيحتها للراحل طارق عبد العزيز

حنان يوسف: الفنانين الكبار مهدور حقهم ومبيتعملهمش شغل