مروان حامد: قعدت 8 سنين عشان أعمل فيلم إبراهيم الأبيض.. والفضول سبب حبي للسينما

تحدث المخرج مروان حامد عن تجربة دراسته في معهد السينما، وتأثيرها عليه، وذلك خلال ندوة أقيمت له اليوم السبت على هامش فعاليات مهرجان الجونة الـ 6.

تحيا مصر

تجربة مروان حامد في معهد السينما

وقال مروان حامد: تجربتي مع معهد السينما كانت تجربة مهمة جدا وثرية جدا، واضافتلي، وكنت محظوظ أني اتعرفت على أساتذة كبار أوي درسولي في المعهد، وبشوف أن الواحد اللي هيشتغل في السينما مهم جدا السينما تبقى حياته بشكل كبير جدا، مش بالضرورة يكون معاه شهادة معهد سينما، فأنا والدي مدرسش سيناريو، وفيه أمثلة كتير لمخرجين كبار مدرسوش.

وتابع: الفضول من أسباب حبي الكبير للسينما، فمن خلال الأفلام بتطور كإنسان، ومن خلال معرفتي بشخصيات ممكن تبقى موجودة على الورق أو شبه ناس موجودين في الحقيقة، فتجربة صنع الفيلم في حد ذاته، اللي هما السنتين اللي الفيلم بيتعمل فيهم أو أكتر، هي تجربة فيها إضافة ليا وتعلم.

تكريم مروان حامد بجائزة الإنجاز الإبداعي في افتتاح مهرجان الجونة السينمائي

يسرا: ياريت الاعلام زي مابيغطي الريد كاربت يشوف الورش والفعاليات وتكريم مروان حامد معلهوش اختلاف

معايير اختيار مروان حامد للأفلام

وفي الندوة ذاتها، كشف مروان حامد عن المعايير التي يختار بها أعماله السينمائية، فقال: مفيش حد متأكد بنسبة 100% من نتيجة العمل اللي هو بيعمله أو أنا على الأقل، دايما الشكوك طول الوقت موجودة، وطول الوقت الواحد مش متأكد هل العمل دا يستحق أن الواحد يعمله ولا لا.

واضاف: وبالتالي المقياس الحقيقي ليا أن أنا يبقى عندي شغف حقيقي للعمل، ويكون مسيطر عليا، ودا اللي بيخليني أحس أن المشروع مظبوط.

واستطرد: وفي فيلم إبراهيم الأبيض قعدت 8 سنين بحاول أعمل الفيلم، بس عشان أنا كنت بحبه جدا، والعالم دا كان مستهويني بشكل كبير جدا، بس لو مكنش عندي هذا الإحساس تجاه الفيلم مكنتش هقعد 8 سنين بحاول أعمله.

أخر أعمال مروان حامد

ومن الجدير بالذكر أن أخر أعمال المخرج مروان حامد فيلم كيرة والجن من بطولة كريم عبد العزيز، أحمد عز، هند صبرى وسيد رجب، مع أحمد مالك، على قاسم، هدى المفتى، محمد عبد العظيم، عارفة عبد الرسول، تامر نبيل، فضلاً عن تواجد بعض الممثلين الأجانب، وتدور أحداث العمل حول الأحداث التي  مرت على المجتمع المصرى فى فترة الاحتلال الإنجليزى إبان ثورة 1919.

ويكشف عن قصص حقيقية لمجموعة من أبطال المقاومة المصرية ضد الاحتلال الإنجليزي وقت ثورة 1919 حتى عام 1924، وذلك من خلال أبطال منسيين خاضوا معارك وتضحيات جريئة من أجل الاستقلال، لتكتشف للأجيال الصغيرة مدى حب المصريين لبلدهم وأرضهم.