تامر حسني عن رفض كاملة أبو ذكري العمل معه: فيه ناس أكل عيشها الإشاعات

خرج نجم الجيل، الفنان تامر حسني للتعليق على رد المخرجة كاملة أبو ذكري بشأن رفضها العمل معه، وذلك خلال حلولها ضيفة على برنامج حبر سري.

تحيا مصر

رد تامر حسني على شائعة رفض كاملة أبو ذكري العمل معه 

وكتب تامر حسني عبر خاصية ستوري على حسابه الرسمي بموقع تبادل الصور والفيديوهات القصيرة إنستجرام: أستاذة كاملة ولا يهمك معلش فيه ناس أكل عيشها الإشاعات وإنتي اللي حبيبتي وأنا اللي بحبك وبحب كل شغلك وفخور بيكي وأتمنى فعلًا نتقابل فنيًا وأنا اللي أروح لدماغك الجميلة لو شايفاني في عمل جاد ويعبر عن الناس.. هثق في مين قدك يا أستاذة؟!

كاملة أبو ذكري تنفي رفضها العمل مع تامر حسني 

وكانت قالت كاملة أبو ذكري: عمري ما قلت أرفض الشغل مع تامر حسني وهو نجم كبير وبحب أفلامه وأغانيه وعنده قبول كبير على الشاشة وبتمنى أقابله صدفة، وأنا من جماهير تامر حسني وبحبه جدا وعنده قبول وطيبة ونجم كبير في السينما والفن المصري.

اقرأ أيضًا.. 

ناقدة فنية تشيد بـ هنا الزاهد: ممثلة شاطرة ومناسبة للبطولة المطلقة 

من جانبه، تألق تامر حسني بكليب حوا من كلمات وألحان تامر حسني، وتوزيع وميكس وماستر علي فتح الله ويشارك بالتمثيل فيه أسيل عمران.

كلمات أغنية حوا تامر حسني

إشتريت كتاب إسمه
كيف تفهم حوا
قولت هعرف منه
إيه في دماغها جوا
حوا في كل الجنسيات
بجد تركيبه واحده
لو هنسمي في مسميات
أحن حنينه جاحده
حافظين مش فاهمين
نفس الكلام و بيتردد بيتردد
و إحنا عايشين مساكين
بنجيب في هدايا و نسدد
آه و نسدد
و بعد ما كان
نفسي في واحده تفهمني
من غير ما أتكلم
ما أتكلم
بقيت أدعي ألاقي واحده
تفهمني أصلاً و أنا بتكلم بتكلم

في جوا دماغ حوا كذا حد
ملاك شيطان والله تعبت
لما تعاملها كده انت و حظك
في اللي ساعتها بقى ماسك ال Shift
وديتها مره للدكتور
دكتور دقيقه و نبقى عندك
سألها مالك قالتله مالي
ما انت لو مهتم كنت عرفت لوحدك
حافظين مش فاهمين
نفس الكلام و بيتردد بيتردد
و إحنا عايشين مساكين
بنجيب في هدايا و نسدد

آه و نسدد
و بعد ما كان
نفسي في واحده تفهمني
من غير ما أتكلم ما أتكلم
بقيت أدعي ألاقي واحده
تفهمني أصلاً و أنا بتكلم بتكلم

إشتريت كتاب إسمه
كيف تفهم حوا
قولت هعرف منه
إيه في دماغها جوا
حوا في كل الجنسيات

بجد تركيبه واحده
لو هنسمي في مسميات