كاملة أبو ذكري: الحب كسرني.. ولسه منفصلة من 4 شهور

تحدثت المخرجة كاملة أبو ذكري عن تفاصيل حياتها الشخصية، وقصة طلاقها الأخير لأول مرة، وذلك خلال لقاء لها ببرنامج حبر سري، الذي تقدمه المذيعة أسما إبراهيم، ويذاع عبر شاشة تلفزيون قناة القاهرة والناس.

تحيا مصر

تصريحات كاملة أبو ذكري

وقالت كاملة أبو ذكري: الراجل الحقيقي اللي في حياتي هو أبويا بس غير كدا أنا مشوفتش ضهر ولا سند، وأخويا حبيبي ربنا يديله العمر والصحة، بس أنتي ممكن تبقي قوية أوي في شغلك والعكس وضعيفة جدًا في الحب، وأنا ضعيفة جدًا في الحب.

وتابعت: الحب كسرني، عشان اخترت غلط أوي بس مش ندمانة، أنا كل حاجة بتعلم منها وكنت أتمنى أنجح في حياتي الشخصية كمان زي حياتي العملية، وموضوع الحب لسه خلصان من 4 أشهر، كان جواز وطلاق، وربنا مش بيدي كل حاجة، أنا اتجوزت مرتين، مرة 3 سنين ومرة 8 سنين واللي كسرتني الأخيرة.

كاملة أبو ذكرى عن ظروف العمل في رمضان: غير أدمية والحمار ميقدرش عليها

الخميس والجمعة.. كاملة أبو ذكري في ضيافة أسما إبراهيم ببرنامج حبر سري

كاملة أبو ذكري تعلق على تصريحات باسم سمرة

وفي الحلقة ذاتها، حرصت كاملة أبو ذكري الرد على تصريح الفنان باسم سمرة، الذي ذكر فيه بأنه من علم نيللي كريم التمثيل في مسلسل ذات.

وقالت كاملة أبو ذكري: أول يوم تصوير مكنش فيه انتصار ولا باسم، كانت نيللي كريم بس وخليتني أنا وأستاذة نانسي عبد الفتاح نعيط، كان مشهد هي المفروض بنت عندها 18 سنة، وفجأة لقينا نيللي صوت ومشية وعياط بنت عندها 18 سنة، وكان المشهد بتكلم أخوها بتقوله ليه ضحكت عليا، وأنا ونانسي عبد الفتاح مكناش قادرين نصدق أن اد ايه نيللي دي ست موهوبة، مفيش حاجة اسمها كدا والكلام دا محصلش.

كاملة أبو ذكري: لما تعرض التفاهات دي لا يشرف الفن المصري

وسبق وأن علقت المخرجة كاملة أبو ذكري على تصريحات الفنان بيومي فؤاد خلال عرض مسرحية زواج اصطناعي مهاجمًا الفنان محمد سلام بسبب انسحابه من موسم الرياض ومسرحية زواج اصطناعي تضامنًا مع الأحداث المأسوية في غزة، ورفضت كاملة أبو ذكري أن تسمي هذا بالفن.

استنكرت كاملة أبو ذكري تصريحات بيومي فؤاد وقالت عبر حسابها الرسمي بموقع التواصل الاجتماعي الفيس بوك: "الأستاذ الفنان اللي كنت واحدة من محبيه.. لو حضرتك فاكر إنك لما تعمل عمل اتحضر واتكتب واتنفذ في 3 أيام.. وتروح تعرضه وترقص وتغني وتضحك وبعد كده تأخد آلاف الدولارات.. لو ده بتسميه فن فأنا لا يشرفني إني أكون زميلة لك في هذه المهنة".