في ذكرى وفاته.. ابنة أحمد راتب لـ والدها: نفسي أحضنك ومحدش عارف يحضني زيك

حرصت لمياء راتب، ابنة الفنان الراحل أحمد راتب على توجيه رسالة مؤثرة له في ذكرى وفاته التي تحل اليوم الخميس لموافق 14 من شهر ديسمبر الجاري، وذلك من خلال حسابها الرسمي بموقع تبادل الصور والفيديوهات انستجرام.

تحيا مصر

ابنة أحمد راتب له: انت لسة جواني وصوتك في ودني

وكتبت ابنة أحمد راتب عبر حسابه الرسمي بموقع تبادل الصور والفيديوهات انستجرام: لما بيسيبك حبيب و واحدة واحدة تبدأ تستوعب بتلاقي نفسك بتسأل يعني خلاص كدة؟ خلاص بجد؟ طيب مفيش حتة أمل صغيرة إنك ترجع؟ طيب ما انت لسة جوايا..لسة صوتك في ودني و شكلك محفور في قلبي..هودي كل دة فين؟ ازاي كل اللي بينا دة مبقاش ليه اي ترجمة في الواقع؟ إزاي اختفيت كدة من كل حاجة؟ هفضل مع الحاجات اللي جوايا دي لوحدي ازاي؟ في كتير بيقولوا انك لسة حاسس بيا و شايفني.. طيب شوفتني و أنا بعيط من شوقي ليك؟ شوفتني و أنا بموت كل يوم على وش الدنيا؟ 

وتابعت حديثها: حسيت برعشة قلبي كل لما أشوف صورتك ؟ وصل لك عجزي لما بضعف و مش بلاقيك؟ طيب لما بنادي عليك بالليل بالدعاء بتسمعني؟ يعني انت عارف غيابك عمل فيا ايه؟ أنا بعترف إني عايشة بصدمة من يوم ما أبويا سابني..بتوع الطب بيسموها trauma بس أنا بسميها كسرة بسميها عجز بسميها شوق ملوش مكان يروحه بسميها ذكريات بتدبح الروح أنا عايشة و طول الوقت في الخلفية موجود احساسي بالخسارة و النقصان و قلة الحيلة.

ابنة أحمد راتب: بصحى عندي وجع إنك مش موجود

واختتمت ابنة أحمد راتب حديثها، قائلة: انا بقالي ٧ سنين بصحى كل يوم متجدد عندي وجع انك مش موجود طيب ما أنا نفسي أحضنك قوي يا بابا و محدش عارف يحضنني زيك .. إدعي لي من عندك يا حاج ..السنين بتمر و روحي بتشيب من غيرك.

كان بيمثل على المسرح.. أخر ما قام به أحمد راتب قبل وفاته

وكانت قد كشفت ابنة أحمد راتب ما قام به والدها قبل رحيله، فقالت: أخر حاجة بابا عملها في البيت"(في قمة ألمه و قبل وفاته بخمس أيام، و في وقت إنتظار عربة الإسعاف" قبل ذهابه بالاسعاف للمستشفى مباشرة، غسل و قطع تفاحة لحفيده حمزه لمجرد انه قال قدامه عايز تفاحة.. أبويا قبل ما يتوفى بأسبوع كان واقف بيمثل على المسرح!.