اتعرض عليا التمثيل أكتر من مرة ورفضت وشوفت شخصيتي في صوت وصورة دنيئة.. تصريحات ناردين فرج

حلت الفنانة ناردين فرج ضيفة على برنامج “معكم” الذي تقدمه الإعلامية منى الشاذلي على شاشة قناة أون، والتي كشفت خلاله عدد من التصريحات والتي نرصدها خلال التقرير الأتي.

تحيا مصر

ناردين فرج: شخصيتي في صوت وصورة كانت دنيئة

تحدثت ناردين فرج عن تفاصيل شخصيتها في مسلسل صوت وصورة والذي جسدت خلاله شخصية ماجدة، حيث قالت: الورق اتكتب وإحنا بنصور واتفاجئت إن ماجدة هتطلع متجوزة عصام الصياد، قلت مش معقول الست دي هتطلع دنيئة بالشكل ده ومعندهاش أي مبادئ لدرجة تخون صاحبتها، وقلت للمخرج لو نشيل حتة الخيانة دي قالي لا أنا عايز الناس تكره الشخصية خالص.

وتابعت حديثها، قائلة: “المخرج قالي هتعمليه كويس وإن هنظهر إن المحامية دي بتكسب أي قضية، وبتجسد إن هكسب يعني هكسب حتي لو الشخص مذنب، ولما كلمني وقريت الدور لقيتها ست شريرة معندهاش أي ضمير فخوفت الناس تكرهني وقلت له عمري ما تخيلت في حياتي أعمل دور زي ده".

ناردين فرج: جوزي داعم ليا ومن غير مكنتش هقدر أخد الخطوات دي

وتطرقت ناردين فرج بالحديث عن زوجها ودعمها: جوزي داعم جدا ليا وانا جالي فترة سافرت كتير لأني كنت بشتغل في قنوات برة مصر في دبي وبيروت وهو وافق أن أنا اسافر لفترات كتيرعدد مرات كتير ورا بعض وكل سفرية ممكن اقعد اسبوع أو عشر أيام وأرجع البيت خمس أيام وبعدها اسافر عشر أيام ووقتها كان عندنا أطفال وهو كان بيدعمني ومن غيره مكنتش هقدر ابدا اخد كل الخطوات دي في مشواري.

ناردين فرج: بيتقالي صوتي مميز واتعرض عليا التمثيل كتير

وعن عملها في الراديو، قالت ناردين فرج: "أنا كنت بستمتع جدا بالشغل في الراديو والبرنامج كان ناجح في وقتها وكان مع مروان قدري وأن الناس متبقاش عارفة شكلك لكن بيحبوكي دي حاجة حلوة اوي واننا أتخيل الشخص عن طريق صوته دي حاجة بالنسبالي فيها سحر وجاذبية".

واختتمت: من ساعة ما ظهرت في الراديو وانا بيتقالي أن صوتي مميز ونبرة صوتي مميزة وبيتعرض عليا التمثيل من بداية شغلي في الراديو لكن كنت برفض.