نجل شعبان عبد الرحيم: انتخبت الرئيس السيسي عشان بحبه.. وشايل مصر على كتافي

احتفل خميس شعبان عبد الرحيم نجل المطرب الشعبي الراحل شعبان عبد الرحيم، أمام لجنة الانتخابات الرئاسية بعد الإدلاء بصوته في رمسيس.

تحيا مصر

نجل شعبان عبد الرحيم يعرب عن حبه لمصر

وقال خميس نجل شعبان عبد الرحيم لكاميرا موقع تحيا مصر: أنا بحب مصر أوي وبيجري في دمي مصر وشايلها على كتفي، وانتخبت الرئيس عبد الفتاح السيسي عشان بحبه.

تصريحات نجل شعبان عبد الرحيم 

من جانبه، قال نجل شعبان عبد الرحيم: بغني من وأنا عندي 9 سنين غنيت مع أبويا أغنية  “اليتيم”، وقتها كنت في سنة 3 ابتدائي.

وتابع، عملت مع أبويا أغنية “تحيا مصر”، وعن أعماله الفنية الفترة القادمة قال: “4 أغاني الفترة الجيه، وهنزلهم واحدة ورا واحدة.

وكشف خميس شعبان عبد الرحيم ابن المطرب الشعبي الراحل شعبان عبد الرحيم عن مدى حب والده له، كما قال أن والده كان يغني لها وقام بعمل أغنية مخصوصة له والتي يقول جزء منها :الناس كتير وأنت الوحيد اللي في حياتي ودنيتي.

علاقة نجل شعبان عبد الرحيم بوالده

وأوضح، دايمًا كان بيعمل معايا واجب، يديني ساعة من بتوعه، يديني بدلة، كان عايزني زيه.. كان حاسس إني شكله أوي فكان بيزودني بالحاجات دي.

وأظهر خميس شعبان عبد الرحيم عن وشم على ذراعه الأيمن باسم “شعبولا”، وبالإضافة أنه واضع أسم أبوه على سيارته من الخلف.

فيما قال عدوية شعبان عبد الرحيم في حواره لموقع تحيا مصر:  أبويا لما كان عايش مفيش حد كان بيقدر يتكلم في وجوده وعيب اللي عصام  بيعمله ده.

وتابع نجل شعبان عبد الرحيم، أنا عايز ربنا يهديه ويخلي باله من أفعاله عشان احنا عندنا 35 حفيد عيب لما يقولوا علينا تافهين.

وأضاف، غيرت اسمي عشان عصام بيعمل حاجات مش عجباني  بقوله خلي بالك من  نفسك ومننا عشان أنت أكبر من كده عيب الفضايح  وقلة القيمة اللي بتحصل.

وأوضح عدوية شعبان عبد الرحيم أن اسم والده الحقيقي هو قاسم وليس شعبان وأوضح: أبويا اسمه الحقيقي قاسم، وأنا اسمي حسام وغيرت اسمي وده بقى اسمي الحقيقي

واختتم عدوية شعبان عبد الرحيم حديثه قائلًا: الناس بتشتمني بسبب أخويا عصام وكله بيتريق وأنا مش بتاع الكلام ده.