نادية الجندي بعد الإدلاء بصوتها: فخورة بالإقبال الشديد على الانتخابات

حرصت الفنانة المصرية نادية الجندي على الإدلاء بصوتها في الانتخابات الرئاسية 2024، معربة عن فخرها بالإقبال الكبير على اللجان.

تحيا مصر

نادية الجندي تشارك في الانتخابات الرئاسية 

ونشرت نادية الجندي عبر حسابها الرسمي بموقع تبادل الصور والفيديوهات إنستجرام، عدة صور لها من إدلائها بصوتها في الانتخابات، وعلقت عليها قائلة: فخورة جدًا بالإقبال الشديد من المصريين، على الانتخابات وهذه هى جينات الشعب المصري، عندما يستشعر بالخطر تجتمع قلوب الناس، على قلب رجل واحد لمواجهة التحديات التي تحيط بهذا الوطن، وربنا يحفظ مصر.

قصة حياة نادية الجندي 

من جانبه، قالت نادية الجندي: قصة حياتي حقيقي مليانة أحداث وتعب وكفاح وتحديات، هتطلع قصة جميلة جدًا، ولكن الجمهور مش هيتحملها، وهيلهث وراها من كتر المجهود اللي بُذل، بس الحمد لله النتيجة حب الجمهور وحب الناس ده بيعوض عن أي شيء وبينسي كل صعب.

وتابعت، الفنان لازم يبقى قدوة وأيدل للناس كلها، أنا بعتبر نفسي أما بحافظ على شكلي ومظهري بحترم جمهوري، مينفعش الفنان يطلع شكله وحش ووتخين ومنظره كئيب، لازم أكون متنزنة طول الوقت شكلي يكون صح ولياقتي البدنية صح عشان يساعدني بالأعمال اللي بقوم بيها، وإحنا بقى عندنا ثقافة الرياضة والرشاقة والتجميل وثقفات الناس مكنتش بتهتم بيها زمان، والوعي زاد أوي.

تصريحات نادية الجندي 

وعن سبب تغيبها عن الساحة قالت: يوم أما أنزل في عمل لازم يكون ليه قيمة وفيه حاجة جديدة، عملت كل الأدوار اللي ممكن أعملها فمحتاجة ادوار جديدة.

واستطردت نادية الجندي، مفيش كتاب تقال زي زمان بقى في استسهال، أما يعجبوا حاجة بيقلدوها وبقدمو سيناريو 4 صفحات والباقي بيقولوا هكمولها واحنا بنصور ودا شغل مينفعش معايا، أنا اعمالي السيناريو بيتكتب فيها من 4 لـ 6 مرات.

واستكملت، بشكر جمهوري الحبيب على دعمه الدائم ليا بشكركم علي محبتكم والتعليقات الإيجابية الجميلة اللي أسعدتني كثيراً وسعيدة بالتريندات وردود الأفعال علي جميع المواقع والسوشيال ميديا ويارب أكون دايماً عند حسن ظنكم.. بحبكم أوى أوى.

اقرأ أيضًا.. 

إيمي طلعت زكريا تكشف عن موعد عرض مسلسل السجل الأسود 

إلهام شاهين توجه رسالة لأسر مريض الزهايمر: اتقوا ربنا وعاملوهم بالحسنى

وأوضحت نادبة الجندي، بحب أقضي رأس السنة في البيت وليا طقوس معينة بعملها كل سنة، بحب أقعد مع ابني في البيت وشوية طقوس بعملها برتاح نفسيا وأنا بعملها ببدأ السنة الجديدة بالروحنيات والدعاء وبحس براحة نفسية مبحبش الزحمة والخروج، وعلمت هشام ابني انه يعمل بردو كدة.