عمرو أديب ينعي أحمد حلمي في وفاة شقيقه: أخوه كان واحد من العلامات في حياته

حرص الإعلامي المصري عمرو أديب، على نعي الفنان أحمد حلمي، في وفاة شقيقه خالد حلمي المدير العام بالجهاز المركزي للمحاسبات، والذي رحل عن عالمنا أول أمس الجمعة الموافق 8 ديسمبر.

تحيا مصر

عمرو أديب يقدم واجب العزاء في وفاة شقيق أحمد حلمي 

وقال عمرو أديب خلال برنامجه الحكاية، المذاع عبر فضائية MBCمصر، أحمد حلمي شخص مقرب لقلوب كل المصريين، وأخوه الكبير كان واحدًا من العلامات في حياته.. ربنا يرحمه ويصبره.

تصريحات أحمد حلمي 

من جانبه، قال الفنان أحمد حلمي: من أكثر اللحظات المؤثرة جدا في حياتي ولم أنساها لما أبويا ضربني بالقلم وكان عمره ما مد ايده عليا.

لقاء أحمد حلمي مع أنس بوخش

وتابع أحمد حلمي خلال لقائه مع الإعلامي أنس بوخش عبر قناته علي يوتيوب: خالي غاوي يربي حمام بأنواع غالية وبعدين روحت أنا وفتحت شباك الأوضة فالحمام طار، ومكنتش وقتها أعرف أن الحمام غالي ولا لأ، وبعدين خالي اشتكاني لأبويا كان خالي مخه صغير، فجاء أبويا شاف المنظر وسأل مين اللي عمل كده فكذبت وقلت أخويا خالد فهو مصدقنيش وضربني أنا لإنه عارف إني بكذب، وكانت المفارقة الرهيبة أن الحمام طلع بيرجع تاني يوم الصبح، وافتكر ان وقتها زعلت واتضايقت وعيط.

وأضاف، أحيانا أتمنى أرجع صغير علشان أعيش حاجات ملحقتش أعيشها أو نفسي أكررها، أبويا مات وأنا ملحقتش أشبع منه ولا أعيش معاه المرحلة اللي هي بتاعت الصحوبية، هو مات وأنا في أوائل الجامعة وبعدين علشان هما قاعدين في بنها وأنا قاعد في القاهرة مكنتش بشوف أهلي كتير

واستطرد، ملحقتش أحكي لأبويا ويحكيلي ونخرج ونرغي ونتكلم، وهو كان مريض ومر بفترة صحية صعبة، وفترة مرضه كانت صعبة جدا على لإني وقتها حسيت بالعجز ومش عارف أعمل حاجة، حد بتحبه راقد وانت مش عارف تعمل حاجة، ولما توفى مشافش ولادي مفيش إلا بنتي الكبيرة كان عندها 3 سنين شافها.

اقرأ أيضًا.. 

بعد الفريدو.. عابد عناني عن انتقادات انحصاره في أدوار الشر: الكاركتر فيه جزء مقدمتهوش قبل كده 

إلهام شاهين تكشف عن كواليس تحضيرها لشخصية سوسو في مسلسل الفريدو 

واستكمل أحمد حلمي، لحظة وفاة أبويا كانت صعبة وهو كان راجل صامت ومشاهد أكتر منه متكلم وحسيت بعد كده أنه له فضل كبير في تكويني وصفاتي وزعلان اني ملحقتش أخطف من وقت ابويا كتير وأتمنى الزمن يرجع بيا علشان ابقى معاه لإنه وحشني جدا، وبعد وفاته حاولت كتير أجيب أمي تعيش جنبي مبترضاش مش عايزة وحابة تبقى في بيتها وكانت امنيتي تبقى ساكنة في الشقة اللي جانبي بس احترمت رغبتها في البقاء في بيت والدي وأنا عمري ما هاكون أناني.