أسرة فيلم ذعر تحتفل بعيد ميلاد مي كساب بأول يوم تصوير

حرصت أسرة فيلم ذعر، على الاحتفال بعيد ميلاد الفنانة مي كساب بأول يوم تصوير للعمل في إحدى الفيلل بمنطقة الهرم، بحضور صناعه.

تحيا مصر

عيد ميلاد مي كساب 

والتفت مي كساب حول تورتة الاحتفال بحضور كل من الفنان أحمد فتحي ومحمود حافظ ومحمد رضوان وشريف أبوهميلة وفادي أشرف والمنتج الفني محمد جمال.

تصريحات مي كساب 

من جانبه، قالت مي كساب خلال لقائها ببرنامج بودكاست بتاع أفلام: الظروف مخدمتنيش في الغناء.. واللي عارفين يكملوا من جيلي لازم الجمهور يتأكد أن دي اجتهادات فردية منهم، وكل شركات الموسيقى مبقوش يشتغلوا، حتى المنتج نصر محروس مبقاش يشتغل زي الأول.

وتابع: قررت وقت ثورة 25 يناير أني مش هشتغل تاني لايف، وجابوني في مسلسل تامر وشوقية من أغنية شيل ده من ده، ومكنتش عايزة أكون ممثلة.. وأحمد الفيشاوي ومكي هما اللي اختاروني في تامر وشوقية، ودخلت مجال التمثيل عشان أرضي والدي.. وهو كان شايفني خليفة شادية.

مي كساب تتحدث عن عادل إمام

وأضافت، عادل إمام كان حاببني وكنت 24 ساعة معاه وهو أبو الكوميديا، واتعلمت منه أقول الإفيه أمتى وإزاي.. ويسرا ست عظيمة قدرت تواكب كل جيل، اتعلمت منها إنسانيًا وبتجبر بخاطر كل الناس اللي حواليها، وهي مثال للنجم الحقيقي.

اقرأ أيضًا..

خاص| إيمان الشريف عن شخصيها في صوت وصورة: الدور كان تحدي لأني أول مرة اعمل حاجة زي دي

إيمان الشريف تكشف عن حقيقة مشاركتها في السباق الرمضاني 2024 

هذا وقالت مي كساب خلال حلولها ضيفة على برنامج “تفاعلكم”: “زينة صديقة ليا من زمان قبل كا نتشهر وهي محترمة وبعتز بصديقتها لكن في أغلبية التصوير هي مكنتش بتكون معانا فيه عشان كدة مفيش حاجة بتجمعنا بيها لكن مفيش مشاكل بينا”.

وعن غنائها رباعية انسى الوجع، قالت: “محمد سامي فكر من الأول إن الرباعية تكون بصوتي أفضل وكان شايفني مطربة مقصرة في الغناء، ومحمد سامي صاحب وجهة نظر متفردة وبيعفر يوظف الفنان صح”.

واختتمت مي كساب حديثها ملعقة على نجاح مسلسل جعفر العمدة قائلة: كان نجاح ساحق خصوصا اللي حصل في الشارع المصري والعربي وهو تفاعل الجمهور معانا.

وعن وفاة والدها، كتبت مي كساب عبر حسابها الرسمي بموقع التواصل الاجتماعي فيسبوك: شكرا من جوه قلبي لكل إنسان كان جمبي من أول مرض أبويا لحد النهاردة، وكل حد دعالنا دعوه من قلبه.

وتابعت، حب الناس الصادق الخالي من أي مصالح بكنوز الدنيا وألف حمد وشكر لله على تسخيره لعباده الأوفياء ليا في محنتي الكبيرة دي.

وأضافت، أبويا اللي علمني ورباني وخلاني بني آدمة، فقدانه محنة كبيرة قوي.. ادعولي عشان أقدر أرضى بقضاء الله وقلبي يبرد وأقدر أعديها، إنا لله وإنا إليه راجعون.