في عيد زواجهما الـ 11.. محمد رمضان لزوجته: كل سنة وأنتي حبيبتي

حرص الفنان المصري محمد رمضان على الاحتفال بعيد زواجه الـ 11 الذي يحل اليوم الأربعاء الموافق 6 ديسمبر، موجهًا رسالة لزوجته.

تحيا مصر

ذكرى زواج محمد رمضان 

ونشر محمد رمضان مقطع فيديو عبر حسابه الرسمي بموقع تبادل الصور والفيديوهات القصيرة إنستجرام، تتضمن عدة صور تجمعه بزوجته، وعلق عليها قائلًا: النهاردة 6 ديسمبر عيد جوازنا الـ 11.. كل سنة وأنتي حبيبتي ومراتي ورفيقة نجاحي في حياتي وعملي.. اللهم باركلي واحفظلي عائلتي واحفظني لهم.

تصريحات محمد رمضان 

من جانبه، قال محمد رمضان: قسم الملابس جزء مهم جدًا في صناعة السينما أو الدراما أو المسرح لا يستهان به، بتعامل مع حفلاتي مثل المسرح فهي عرض ترفيه، الاضاءة بيتم استخدامها بوعي، حسب كل أغنية، فأغنية مافيا لها انترو، والعربية بتطلع بشكل معين، والكشافات اللي بتنور فقط ثم النور الازرق بيفتح براحة، صوت الأوكرة موجود في كل السماعات، صوت خطوات رجلي، فحفلاتي عرض ترفيه.

وتابع، أنا مش بضع المايك تحت ذراعي وأقول السقفة معانا، أنا مبعملش ده، وهو ده اللي بيميز حفلاتي وبيخليني أغلى مغني في الوطن العربي، فالمغني المصري اللي أجره تحت أجري بياخد 50 في المئة من أجري.

اقرأ أيضًا.. 

خاص| عفاف مصطفى تكشف عن الموعد النهائي لعرض مسلسل البيت بيتي الجزء الثاني

خاص.. عفاف مصطفى تبدأ تصوير مشاهدها في مسلسل حدوته منسية

وأضاف، فيه دليل أو شئ بقدمه يستحق ده، مش فكرة أن ده أجري مش عافية وخلاص، حفلتي بتطلب مجهود أخر، والجمهور بيخرج مستمتع وبيخرج عينيه مرتاحة وشاف شئ جميل وجديد مع الأغاني اللي حافظها، الفضل في ده يرجع لربنا وللممثل وخبرتي في المسرح والسينما.

واستطرد، الرحلة أنا مبسوط بيها جدًا بدأت من ضواحي الجيزة والمنطقة اللي أنا اتولدت فيها شكلت جزء كبير في شخصيتي وخيالي، وبيتي أبويا وأمي وإخواتي شكلوا شخصيتي ورؤيتي للمستقبل.

محمد رمضان يتحدث عن عائلته

واستكمل محمد رمضان حديثه قائلًا: أخويا وأختي خريجين آداب فلسفة، فعايش مع اتنين فلاسفة، والفلسفة هي البحث عن الحقيقة، فالكتب متناثرة حولي، وكنت بحب القراءة جدًا، كنت بتخليني أغوص وأعيش فيها، أخويا كان بيجب كتاب الأيام لطه حسين، وإيمان أختي كانت عاشقة للقراءة.

وتابع، وأبويا رجل مثقف كان يقرأ الجرائد بشكل يومي، فكل ده شكل جزء كبير في شخصيتي، وحي القصبجي اللي اتولدت فيه كان 8 بيوت في المربع السكني وحوالينا زراعة، كانت منطقة ريفية بنسبة 70% وشعبية 30%.