الوسط الفني محترم وعمري ما طلبت من حد شغل.. أبرز تصريحات عايدة فهمي

حلت الفنانة عايدة فهمي ضيفة على برنامج تفاصيل الذي تقدمه الإعلامية نهال طايل في برنامج تفاصيل والمذاع على قناة صدى البلد2، وفجرت من خلاله تصريحات جريئة ومختلفة عن الوسط الفني.

تحيا مصر

تصريحات عايدة فهمي

• الوسط الفني محترم واللي هيقول غير كده هزعل منه.
• عمري ما طلبت من مخرج أو منتج دور ولا رفعت سماعة تليفون على حد.
• حسين المنباوي مخرج عبقري وجزيرة غمام من أفضل أعمالي الفنية.
• في ممثل بيذاكر وممثل بليد لأن في ناس بتيجي تعدي ومحدش بياخد بالها منه.
• لما بيجيلي مشهد في مسلسل بموت نفسي عليه علشان يطلع حلو.
• الفنانين دول محترمين أوي وبيجتهدوا وبيتعبوا جدا إلا فيما ندر وده موجود في جميع المجالات.
• ياريب التيك توكر يبعدوا عن الفن علشان الفن مش عاوزهم.. وشوفي اللي دخلوه الفن أتعمل معاهم إيه عندنا نقابة قوية وكبيرة.

عايدة فهمي تفتح النار على التيك توكر

• بتوع التيك توك عمرهم ما هيبقوا فنانيين ورسالتي ليهم أنتوا بتحلموا وشوفوا دكتور أشرف زكي عمل فيهم ايه.
• تتلمذت على يد الراحل أشرف عبد الغفور وابنته ريهام ينطبق عليها "ابن الوز عوام"؟
• فضت أدوار الإغراء فى بداية حياتى ولما كبرت قولت الحمد لله ربنا سترنى أني معملتش كده.
• مبخدش فلوس كتير فى أدواري وكفاية عندى حب الناس.
• أنا صغيرة زمان جالي دور فيه قبلات وقتها أخدت رأي أخويا الراحل سامي فهمي، وقالي اعمليه لكن أنا أعتذرت وأنا راضية.. ابني كان هيبصلي إزاي وأنا بعمل ده.
• أي ممثل قوي وعنده حضور هتلاقيه في الأصل ممثل مسرحي.
• حنان مطاوع وهي كوميديانة والناس كانت قابلة الدنيا عليها وميتة من الضحك.

عايدة فهمي: رفضت أدوار الإغراء وعمل فني بمبلغ كبير عشان حسيته متعاطف مع اسرائيل

عايدة فهمي: التيك توكر عمرهم ما هيكونوا فنانين وياريت يبعدوا عن الفن

أخر أعمال عايدة فهمي

يذكر، انه يعرض لـ عايدة فهمي خلال الفترة الحالية مسلسل العودة، والذي يعرض حاليا على شاشة قنوات dmc، ويشارك في بطولته كلا من النجوم شريف سلامة، تارا عماد، عصام السقا، دياب، تامر نبيل، عزت العيلي، أحمد والي، وليد فواز، بسنت شوقي محمد رضوان، صفاء الطوخى، محمد عبد العظيم، عماد صفوت، وهو من تأليف أمين جمال وإخراج أحمد حسن، وحقق العمل نجاحات كبيرة خلال فترة عرضه على قناة dmc.