بنتكلم عن غزة.. سهير المرشدي تكشف تفاصيل مكالمتها مع أشرف عبد الغفور قبل وفاته

كشفت الفنانة القديرة سهير المرشدي والدة النجمة حنان مطاوع عن تفاصيل مكالمتها مع الفنان أشرف عبد الغفور قبل رحيله بخمسة أيام فقط.

تحيا مصر

مكالمة سهير المرشدي مع أشرف عبد الغفور 

وقالت سهير المرشدي لكاميرا تحيا مصر عن ريهام عبد الغفور: كنت بكلمه من خمس أيام وكنا بنتكلم عن الأحداث في غزة.. مكنش بيودعني ولا حاسس أنه هيموت.

تصريحات أشرف عبد الغفور 

من جانبه، قال أشرف عبد الغفور في تصريحات سابقة: أنا عملت حاجة من خمس سنين أنا بعتبرها أهم إنجاز عملته في حياتي، أهم جايزة أخدتها في حياتي، ايه هي الجايزة؟، تمثال أوسكار مكتوب عليه جراند با (جد) قدمهولي أحفادي.

وتابع، أنا ليا ست أحفاد، الحفيدة الأولى الدكتورة منة الله، خريجة كلية الطب البشري، ومتخصصة في الأمراض النفسية، واتجوزت من شهر، وفنانة وبتغني ولها باع في السوشيال ميديا.

علاقة أشرف عبد الغفور بأحفاده

وأضاف، أخوها اللي بعديها دكتور صيدلي محمد، أخوهم التالت عمر في كلية الصيدلة فاضله سنتين ويتخرج، أشرف ابن تامر بيدرس الاقتصاد والعلوم السياسية، يوسف ابن ريهام الأكبر درس صناعة الأفلام في كندا، ودلوقتي بيتمرن تصوير وهتلاقي اسمه على تتر مسلسل تحت الوصاية، والحفيد الأصغر خالص هو فاروق ابن ريهام الصغير عنده 10 سنين.

اقرأ أيضًا.. 

تحس ضهره مكسور.. طه دسوقي في وداع طارق عبدالعزيز 

كنت بقوله بلاش سجاير.. نهال عنبر تكشف عن نصيحتها للراحل طارق عبد العزيز 

واستطرد، في سنة 2017 ابن ريهام الصغير كان أقل من 5 سنين فمقدرتش أخده معايا.. أخدت الخمسة التانيين أنا لوحدي على فلوريدا في ديزني لاند قعدنا 22 يوم أنا وهما فقط، من أسعد أيام حياتي، وأيام حياتهم عشان أنا حسيت ولغاية دلوقتي أن أنا عملت حاجة في حياتهم لن ينسوها.

وأوضح سبب قلة ظهوره قائلًا: مش مسألة مقل، أنا تقريبا ممتنع، باختصار شديد جدًا عشان لقيت أن احنا بنكلم بعض، وولا سميع ولا مجيب، لكن كلامنا دا له مردود ؟، أنا حسيت أنه ملوش فقولت أبطل كلام، وحجزت كرسي في الصالة وقعدت اتفرج.