منتهية خالص.. أشرف زكي يكشف عن حالة ريهام عبد الغفور بعد وفاة والدها

كشف الفنان أشرف زكي نقيب المهن التمثيلية عن حالة الفنانة ريهام عبد الغفور بعد وفاة والدها الفنان الكبير أشرف عبد الغفور في حادث سير.

تحيا مصر

ريهام عبد الغفور تنهار بعد وفاة والدها 

وقال أشرف زكي في مداخلة هاتفية ببرنامج الحكاية الذي يقدمه الإعلامي عمرو أديب عبر قناة Mbc مصر الفضائية: ريهام منتهية خالص ربنا معاها.. كل أما اسالها هنعمل ايه تقولي معرفش هو اللي كان بيقول وبيعمل.

ريهام عبد الغفور ضيفة حبر سري 

من جانبه، قالت ريهام عبد الغفور خلال استضافتها في برنامج حبر سري والتي تقدمه الإعلامية أسما إبراهيم: خوفت من دوري في مسلسل أزمة منتصف العمر لأن الموضوع مش تقليدي لكن هو موجود والناس مش بتحب تواجه مشاكلها وبتحب تستخبى منه.

وتابعت ريهام عبد الغفور، بخاف من المنافسة في رمضان  لأن في  أعمال بتتظلم، وبيبقى في ضغط كبير واستعجال وبحب أعمالي تتعرض بره رمضان.

تصريحات ريهام عبد الغفور 

وأوضحت ريهام عبد الغفور أنها تتأثر بتعليقات الجمهور لذلك لجأت لحن البوتوكس وقالت: بكره شكلي لما بيتغير وبحب إبقى طبيعية، وعملت بوتوكس بسبب تعليقات الناس ومستريحتش خالص لما عملته وبعدها كبرت دماغي، وأنا حساسة وبتأثر بسرعة وبهتم بتعليقات الناس.

وأكدت، أخاف أعمل السيرة الذاتية لحد لأني مش بعرف أقلد حد وكل واحد عارف قدراته ومش هعرف أعملها وبحب احترم نفسي ومش بحب أجرب في الحته دي. 

اقرأ أيضًا.. 

كنت بقوله بلاش سجاير.. نهال عنبر تكشف عن نصيحتها للراحل طارق عبد العزيز

بكاء وانهيار هنادي مهنا في جنازة طارق عبد العزيز| فيديو

ووعن والدها الفنان أشرف عبد الغفور، قالت: أبويا أكبر بكتير من إني اشغله معايا وأكبر من إني ارشحه لحد ويقبلوا أو لا لأنه فنان عظيم.

واختتمت ريهام عبد الغفور حديثها قائلة: فيلم بالعربي سيندريلا غلطة وندمانة عليها وكانت مسئولية كبيرة وأنا مكنتش قد بقى بطلة العمل، ومكنش مناسب بالنسبالي.

هذا وقالت ريهام عبد الغفور خلال استضافتها في برنامج يلا نحكي مع الإعلامية جومانة بوعيد رفضها للمقارنة قائلة" أنا مبكرهش قي حياتي قد المقارنات، حتي لو لصالحي، مش لازم يبقي فيه أحسن واحد ممكن يكون كلنا كويسين، مبحبش المقارنات ولا أحب أقارن ولادي بعض.

وأوضحت ريهام، عن دورها في مسلسل "الريان" أنه كان للفنانة رانيا يوسف، حيث كانت المرشحة له في البداية الفنانة رانيا يوسف، وحصل معايا كثير أني كنت مرشحة لأدوار وذهبت لغيري، ودة طبيعي، ومفيش حساسيات.

وتابعت، وكانت من أول الناس اللي باركتلي، وده طبيعي جدًا، مفيش حساسيات، محدش بيفتكر غير اللي بيعمل الدور”.