نبيلة عبيد: محمد رمضان نمبر وان فعلا وكنت خايفة من لقب نجمة مصر الأولى

تحدثت الفنانة نبيلة عبيد عن عدة أمور بعد تكريمها في مهرجان البحر الأحمر السينمائي الدولي، معربة عن سعادتها بهذا الأمر.

تحيا مصر

نبيلة عبيد تعلق على تكريمها بمهرجان البحر الأحمر 

وقالت نبيلة عبيد: كنت مرعوبة وأنا رايحة في الطريق علشان اتكرم، ولكن الكلام اللي اتقال خلاني سعيدة وفخورة، الفترة اللي أنا اشتغلت فيها كانت كلها عن المرأة، أنا عاملة أكثر من 90 فيلم وبدأت مع الأدباء الكبار زي محمود أبو زيد ووحيد حامد ومصطفى محرم، كل دول كانوا بيكتبوا للمرأة، فأنا كان عندي حصيلة كبيرة من أفلام المرأة، والحمد لله الناس فاكرة أفلامي وبتتكلم عليها.

تصريحات نبيلة عبيد 

وتابعت، في بعض الأفلام عملتها في سوريا ولبنان ومعجبتش الناس، وأنا محبتش نفسي في المكان ده، وغيرت الطريق خالص وروحت لـ إحسان عبد القدوس وخدت روايات وخدت الطريق ده، أنا أفلامي كلها كانت بتجيب فلوس.

وأضافت، أنا كنت مخضوضة وخايفة من لقب نجمة مصر الأولى وقولت هيقولوا عليا إني مغرورة، ولكن قالولي تستاهلي اللقب، لأن أنا كنت الأولى في البيع، وأنا مع أن محمد رمضان نمبر وان لأنه أول واحد في القائمة، هو بيبع كويس والناس بتحبه.

وأشارت إلى أن المخرج من أهم عناصر العمل، موضحة: الأفلام اللي بتتعرض عليا دلوقتي بفكر أني لازم أكون في وسط شباب ولكن ببقى خايفة لأن آخر مخرج اشتغلت معاه كان سعيد مرزوق، مين هيبقى بعده؟ أنا مؤمنة بالمخرج والورق دول اللي يخلوني أقول حاضر واشتغل وأنا مرتاحة، طبعًا مش هعمل أدوار زي الأول ولكن في أم بتطلع، لازم الشخصيات تتوظف علشان يمزجوا الجيل القديم بالجديد، أنا مؤمنة بالجيل الجديد وبيعملوا حاجات حلوة.

نبيلة عبيد تكشف عن رغبتها في تجسيد قصة حياتها

واستطردت نبيلة عبيد، دينا الشربيني كانت عرضت أنها تعمل قصة حياتي، ولكن أنا اللي هعمل قصة حياتي ولكن مش دراما وأنا اللي هحكيها تفاصيل المجهود الفني، أنا كنت بتحمل كتير أوي ولما وصلت لكل ده كان بالتعب.

واستكملت نبيلة عبيد، بحب لبنان وربنا يشيل كل حاجة ويرد لبنان وهي ست الدنيا وترجع أحسن مما كانت، وجسمي بيقشعر لما بجيب سيرة لبنان، وكلنا بنحبها.

اقرأ أيضًا.. 

عابد عناني: كل الناس مكملة في شغلها حتى محمد سلام 

خاص| تشييع جثمان شقيق شريف رمزي بعد صلاة الظهر من مسجد الشرطة 

وأوضحت نبيلة عبيد، لازم دلوقتي أنقي موضوعات كويسه وأعمل حاجات تكون مناسبة ليا دلوقتي، وإن شاء الله ربنا يوفقني وألاقي حاجات كويسة.

وعن إشادة نجلاء فتحي بها، قالت نبيلة عبيد: مافيش أحلي من كدا أما الاقي الرسالة دي جيالي من النجمة الجميلة والصديقة العزيزة نجلاء فتحي يبقي يومي قد ايه سعيد ، شكرا يا أحلي زهرة في حياتنا .. مساكم ورد وزهور.