أسما إبراهيم تتعرض لأزمة صحية وتمكث داخل المستشفى

تعرضت الإعلامية المصرية أسما إبراهيم لوعكة صحية مفاجأة، نُقلت على إثرها إلى المستشفى حيث أعلنت ذلك من خلال حسابها الرسمي بموقع تبادل الصور والفيديوهات القصيرة إنستجرام.

تحيا مصر

نقل أسما إبراهيم للمشفى

نشرت أسما إبراهيم صورة لها من داخل المستشفى عبر خاصية استوري، وعلقت عليها قائلة: الحمدلله، دون أن تكشف عن تفاصيل حالتها الصحية.

أسما إبراهيم تعرب عن سعادتها بتكريمها

من جانبه، قالت أسما إبراهيم عن تكريمها في برنامج ضيافة: أنا أسما إبراهيم مذيعة برنامج حبر سري على قناة القاهرة والناس.. مبسوطة أن أنا موجودة النهاردة معاكم أكيد أنا تعبت في بداية حياتي عملت برنامجين بس مكنش فيهم قدر كبير من النجاح.. ربنا الحمدلله كرمني في حبر سري البرنامج حقق تفاعل كبير جدًا.

تصريحات أسما إبراهيم 

وتابعت أسما إبراهيم قائلة عن برنامج حبر سري، ناس كتير أوي حبته وبتستناه حتى لما بناخد إجازات بين كل سيزون والتاني.. بلاقي كتير أوي بيدوروا على البرنامج وعايزينه يرجع تاني.. مبسوطة أوي للي أنا وصلت له.. وإن شاء الله دي مش آخر محطة في حياتي دي بداية انطلاق.. فخورة جدًا ومبسوطة أوي بالجائزة قد إيه كانت تعنيني أوي.. ومبسوطة أني هكون معاكم في مهرجان ضيافة شكرًا من كل قلبي.

وعن السبب وراء انفصالها عن المطرب موسى، قالت من خلال منشور عبر حسابها الشخصي على موقع تبادل الصور والفيديوهات إنستجرام: احنا سيبنا بعض بكل أدب وذوق واحنا عشرة سنين طويلة جدا وكل اللي بيننا خير واحنا كنا مخطوبين مش متجوزين، وخليت فترة الخطوبة تطول شوية عشان كل واحد يعرف التاني أكتر وطبيعة حياة التاني عاملة ازاي.

اقرأ أيضًا.. 

شهيرة عن مسلسل 55 مشكلة حب لنجلها عمرو محمود ياسين: نجاحه مش نجاح عادي 

شهيرة: اللي بيحصل في فلسطين شئ يوجع القلب.. لازم كل الدول تتكلم 

وتابعت، احنا خلينا اخوات أحسن وصحاب هيكون أفضل بكتير من المرتبطين لأن كل واحد دماغه مختلفة عن التاني شوية، وأنا بسمع أقاويل كتير أوي بتضايق منها زي أني اتغريت عليتي والكلام دا مش موجود، موسى خاطبني وأنا مذيعة مكنتش قاعدة في البيت.

هذا وشاركت أسما إبراهيم جمهورها عدة صور ومقطع فيديو عبر حسابها بموقع التواصل الاجتماعي إنستجرام ظهرت فيه وهى ترتدى الملابس الرسمية لجمعية الهلال الأحمر المصرى، وقالت أسما في الفيديو: في اللحظات الصعبة اللي كلنا بنعيشها أقل حاجة نقدر نقدمها مساعدة أهالينا في غزة، وتشرفت النهاردة بايصال جزء من المساعدات من خلال الهلال الاحمر المصري اللي بشكرهم علي مجهودهم الكبير اللي بيقدموة في دعم غزة، كل شخص يقدر يتبرع ولو بحاجه بسيطة من خلال رقم الهلال الاحمر 15322.