أسر ياسين: اتعرض عليا أعمل دور مدمن بعد زي النهاردة ورفضت وفيلم شماريخ شدني

تحدث الفنان أسر ياسين عن تفاصيل مشاركته في فيلم شماريخ الذي يخوض بطولته الفنان أسر ياسين والفنانة أمينة خليل، وعن اختياره لأدواره الفنية وذلك خلال ندوته في مهرجان البحر الأحمر السينمائي الدولي.

تحيا مصر 

أسر ياسين: مبشتغلش مع نفس المخرجين وبحاول أعمل كل الأعمال

تحدث الفنان أسر ياسين خلال الندوة عن معايير اختيار أدوره الفنية، حيث قال: من أول ما بدأت وأنا بحاول أثبت فكرة تغيير الدور وحاولت بقدر الإمكان مشتغلش مع نفس المخرجين وأحاول أتعرف على مدارس إخراج تانية، بحاول أعمل الدراما والأكشن والكوميدي، ولو في نوع أنا لسه معلمتوش هبقى عايز أعمله عشان الموضوع ده بيبقى فيه اكتشاف.

وتابع حديثه، قائلا: لما جسدت دور مدمن مع عمرو سلامة في فيلم زي النهاردة زمان، اتعرض عليا دور مدمن تاني بس رفضته لفترة طويلة جدا، لحد ما عملته تاني في فيلم أسوار القمر، بس كان ظروفه مختلفة وتناول الشخصية كان بشكل مختلف، بس بالنسبالي كل دور عملته مختلف عن اللي قبله.

أسر ياسين: فيلم شماريخ زي أفلام عادل إمام وأحمد زكي

وعن سبب مشاركته في فيلم شماريخ، قال أسر ياسين: أول ما عمرو بعتلي آخر مسودة لقصة فيلم شماريخ، حبيت جدا القصة والعلاقة والشخصية والرحلة اللي هو بيخوضها هو والبطلة، وحسيت إن الفيلم فيه حاجة من الأفلام اللي إحنا اتربينا عليها، أفلام عادل إمام وأحمد زكي.

عمرو سلامة عن فيلم شماريخ: كتبته من 15 سنة وأمينة خليل تميمة حظ للأفلام

يعرض في 7 ديسمبر.. الصور الأولى من كواليس تصوير فيلم شماريخ

تفاصيل فيلم شماريخ

جدير بالذكر، أن فيلم شماريخ من بطولة آسر ياسين وأمينة خليل، خالد الصاوي، آدم الشرقاوي، مصطفى درويش، ومحمد ثروت، ومن تأليف وإخراج عمرو سلامة، وإنتاج شركة سي سينما برودكشن هاني نجيب وأحمد فهمي، وتدور قصة الفيلم حول رجل أعمال يقع في حب فتاة، وتصل حياته إلى مرحلة من الضغوطات المتفجرة، وكان يجسد مصطفى درويش به دور شقيق آسر ياسين، ومن المقرر أن يعالجوا الفيلم بوفاته أو بتعرض لإصابة ما.

وتم عرض فيلم شماريخ في مهرجان البحر الأحمر السينمائي ومن المقرر عرضه في السينمات بداية من يوم 7 من شهر ديسمبر الجاري ومن المتوقع أن يحقق العمل نجاحات كبيرة.