ياسمين صبري بإطلالة أنيقة على ريد كاربت مهرجان البحر الأحمر السينمائي.. صور

خطفت الفنانة المصرية ياسمين صبري الأنظار لها بإطلالة أنيقة على ريد كاربت مهرجان البحر الأحمر السينمائي الدولي في يومه الثاني.

تحيا مصر

ياسمين صبري بجلسة حوارية على هامش مهرجان البحر الأحمر 

وقالت ياسمين صبري على هامش جلستها الحوارية بمهرجان البحر الأحمر السينمائي: أسهل حاجة عندي الاستغناء، سلاح قوي جدًا في الحياة، الحياة مش مستاهلة ان الواحد يقطع نفسه أو يعيش نفسه في ضغط، الحياة صغيرة مهما طولت.

تصريحات ياسمين صبري 

وأضافت ياسمين صبري، المفروض يعيش محترم نفسه وعنده راحة نفسية، مش في سبيل دور تتعب نفسك نفسيا ليه تتعامل مع ناس صعبة او شرسة أو لسانها حاد ليه متشكرين أوي اللي مكتوب لك هتشوفه سواء كده أو كده وطول ما انت بتشتري نفسك الدنيا هتشتريك أوي.

اقرأ أيضًا.. 

تعرف على قصة مسلسل ما تيجي نشوف 

نبيل عيسى يكشف عن سبب مشاركته في حكاية ما تيجي نشوف من كتاب 55 مشكلة حب 

هذا وقالت لبنى عروس صديقة ياسمين صبري عبر حسابها على موقع تبادل الصور والفيديوهات القصيرة إنستجرام: أنا حاسة بغضب شديد جدًا، عمري ما فكرت أرد ولا أتكلم لكن اللي بيحصل ده تهريج بكافة المقاييس، یاسمین أشرف صبري صديقتي منذ الطفولة وحتى الآن، تربطني بها علاقة صداقة وحب وتفاهم وإنسانية بلا حدود اللي أبوها نشره يثير إشمئزازي لدرجة مقرفة حقيقي أنت مين، أنت كنت فين، أنت جيبت عربية هههههه، أنت صرفت عليها جنيه أنت تعرف إيه عنها.

وتابعت: أنت شوفتها بس في الكام صورة اللي إنت حاططهم فقط لا غير، إنت محضرتش معاها أي حاجه في حياتها ولا تعرف عنها أي حاجه، إنت سنين تختفي وتظهر يوم في نادي سبورتنج تاخذ صورة وتختفي أنا عشت مع ياسمين في المدرسة وفي النادي طول طفولتي.

واستطردت صديقة ياسمين صبري: ما أفتكرش إني شفت حد رباها ولا كان معاها غیر کریمة الله يرحمها جدتها، وأمها كانت في الخارج بتشتغل عشان تبعت فلوس عشان تعيش ياسمين في مستوى كويس، طلعتها جدتها رياضية طموحة، ربتها على القناعة تيجي إنت دلوقتي بعد كل ده افتكرت أن ليك أولاد، لما بقت مشهوره، إخص وألف إخص، أنا قرفانة من الآباء اللي بالمنظر ده أنا أفتكر اللي كام مره اللي شفتك فيهم، کنت تشوفنا صدفة وتقعد تتريق علينا وإننا شباب ضايعين بس ربنا كبير حسبي الله ونعم الوكيل.