ياسمين صبري: أسهل حاجة عندي الاستغناء.. الحياة مش مستاهله

كشفت الفنانة ياسمين صبري عن الاستغناء هو أسهل شئ لديها، وذلك خلال جلستها الحوارية في مهرجان البحر الأحمر السينمائي الدولي.

تحيا مصر

تصريحات ياسمين صبري 

وقالت ياسمين صبري: أسهل حاجة عندي الاستغناء، سلاح قوي جدًا في الحياة، الحياة مش مستاهلة ان الواحد يقطع نفسه أو يعيش نفسه في ضغط، الحياة صغيرة مهما طولت.

ياسمين صبري في جلسة حوارية

وتابعت ياسمين صبري، المفروض يعيش محترم نفسه وعنده راحة نفسية، مش في سبيل دور تتعب نفسك نفسيا ليه تتعامل مع ناس صعبة او شرسة أو لسانها حاد ليه متشكرين أوي اللي مكتوب لك هتشوفه سواء كده أو كده وطول ما انت بتشتري نفسك الدنيا هتشتريك أوي.

صديقة ياسمين صبري تهاجم والدها

على الصعيد الآخر، قالت لبنى عروس صديقة ياسمين صبري عبر حسابها على موقع تبادل الصور والفيديوهات القصيرة إنستجرام: أنا حاسة بغضب شديد جدًا، عمري ما فكرت أرد ولا أتكلم لكن اللي بيحصل ده تهريج بكافة المقاييس، یاسمین أشرف صبري صديقتي منذ الطفولة وحتى الآن، تربطني بها علاقة صداقة وحب وتفاهم وإنسانية بلا حدود اللي أبوها نشره يثير إشمئزازي لدرجة مقرفة حقيقي أنت مين، أنت كنت فين، أنت جيبت عربية هههههه، أنت صرفت عليها جنيه أنت تعرف إيه عنها.

اقرأ أيضًا.. 

خاص|سلوى عثمان نجلة عثمان محمد علي تكشف تفاصيل جنازته 

وتابعت: أنت شوفتها بس في الكام صورة اللي إنت حاططهم فقط لا غير، إنت محضرتش معاها أي حاجه في حياتها ولا تعرف عنها أي حاجه، إنت سنين تختفي وتظهر يوم في نادي سبورتنج تاخذ صورة وتختفي أنا عشت مع ياسمين في المدرسة وفي النادي طول طفولتي.

واستطردت صديقة ياسمين صبري: ما أفتكرش إني شفت حد رباها ولا كان معاها غیر کریمة الله يرحمها جدتها، وأمها كانت في الخارج بتشتغل عشان تبعت فلوس عشان تعيش ياسمين في مستوى كويس، طلعتها جدتها رياضية طموحة، ربتها على القناعة تيجي إنت دلوقتي بعد كل ده افتكرت أن ليك أولاد، لما بقت مشهوره، إخص وألف إخص، أنا قرفانة من الآباء اللي بالمنظر ده أنا أفتكر اللي كام مره اللي شفتك فيهم، کنت تشوفنا صدفة وتقعد تتريق علينا وإننا شباب ضايعين بس ربنا كبير حسبي الله ونعم الوكيل.