البلوجر علاء منصور: مفيش راجل مش بتاع ستات ولازم اللي اتجوزها تفصصلي الكوكو على الرز زي ماما

حل المؤثر الدولي والبلوجر علاء منصور ضيف على برنامج  free time  الذي تقدمه الاعلامية نسمهار الصغير والاعلامية يارا احمد، والذي فجر من خلاله تصريحات جريئة عن الرجل والمرأة ونساء مدينة الإسكندرية وعن أمنياته التي يريدها في زوجته.

تحيا مصر 

علاء منصور: معظم اللي اتجوزوا في محاكم الأسرة والرجالة خاينين

تحدث علاء منصور عن علاقة الرجل بالمرأة، فقال: معظم اللي اتجوزوا في اخر عشر سنين في محاكم الاسرة لان بيكونوا متاكدين انهم مش مناسبين لبعض وبردو بيكملوا ويتجوزوا واللي في طبع مش بيغيروا غير لما تحصله صحوة او بلاء من ربنا يفوقه، ماينفعش حد يفرض علي البنت الحجاب علشان يتجوزها شوف المناسبة ليك ولتقاليدك من البداية.

وتابع علاء منصور حديثه، قائلا: تلراجل بينجذب للست اللي بتتقل عليه او البخيلة عليه في مشاعرها لان الممنوع مرغوب و الراجل بيحب دايما الحاجة البعيدة عنه، وأغلبية الناس بتعاني من عقد او مشاكل الطفل الداخلي اللي هو عقدة الرفض و عقدة الهجر في العلاقات السابقة وده نتيجته ان ناس كتير بتتأخر في الارتباط وبيرفض الجواز علشان مايصحيش جواه ان ممكن يتساب تاني في اي وقت.

علاء منصور: كلام السوشيال ميديا والبلوجرز بيسخن المتجوزين علي بعض 

واستكمل علاء منصور حديثه، قائلا: كلام البلوجرز علي السوشيال ميديا بيسخن المتجوزين علي بعض خاصة اللي بينهم مشاكل ولازم ياخدوا نصيحة من المقربين ليهم زي الوالد والوالدة والاخوات لان بينهم اولاد ودي مسؤلية كبيرة، ونصيحة لو حد في علاقة توكسيك او علاقة سامة زي حد بيهين الطرف التاني قدام الناس او بيقول وعود من غير ماينفذها واستمر وقت كتير من غير تغير يبقي لازم مانضيعش وقتنا ونقطع العلاقة دي تماما.

علاء منصور: البنت الاسكندرانية تحسها واحدة أوروبية مصرية 

وتحدث علاء منصور عن الإسكندرية فقال: روح اسكندرية مش موجودة في اي مكان في الدنيا وان اول محطة كهربا في مصر واول سينما في العالم العربي واكبر تجمع مدارس فرنساوي كانوا في اسكندرية، البنت الاسكندرانية بحسها واحدة اوربية مصرية والاسكندارني راجل وصاحب جدع ودمه خفيف وكل اللي بيحبوا لازم يروحوا اسكندرية.

في عيد ميلادها الـ 50.. 10 تصريحات جريئة لـ رانيا يوسف

بنتي اتحجبت وأنا لسه.. تصريحات جريئة لـ مروة عبد المنعم بعد تصدرها التريند

واختتم حديثه، قائلا:  ماما كانت بتفصصلي الكوكو علي الرز واللي هتجوزها لازم تفصصلي زي ماما الله يرحمها، والمفروض الراجل يعتمد علي نفسه في كل حاجة ويساعد مراته وكنت بساعد ماما وبنشر الغسيل.