بكلمات مؤثرة.. شهد رمزي تنعي شقيقها صلاح: كنت بتعوضني عن فقدان أبويا

حرصت المنتجة شهد رمزي على نعي شقيقها المنتج صلاح رمزي شقيق الفنان شريف رمزي، والذي رحل عن عالمنا الأيام الماضية بعد دخولة في غيبوبة لمدة سنتين.

تحيا مصر

شقيقة صلاح رمزي تودعه

ونشرت شهد رمزي، مقطع فيديو، يجمعها مع شقيقها الراحل صلاح رمزي، عبر حسابها الشخصي بموقع تبادل الصور والفيديوهات القصيرة انستجرام، وعلقت عليه قائلة: أول مره أبقي مش عارفة أتكلم ولا أقول حاجة وأعبر عن جرح ووجع مزمن.

وتابعت شهد رمزي، فراقك مش هيكون أسهل مع الأيام، بالعكس هيكون أصعب بكتير، كل يوم وجودك كان كفاية، كلامك الحلو والله كان كفاية، حبك كان كفاية، كنت الحاجة الوحيدة اللي بتحسسني بالحب اللامحدود.

شقيقة صلاح رمزي تعرب عن حزنها لفقدانه

وأضافت شقيقة صلاح وشريف رمزي، كنت بتعوضني عن فقدان أبويا، مش قادره أتخيل إني مش هشوفك تاني ولا عارفه أصدق ولا عارفة هكمل اللي باقي من عمري إزاي من غيرك.

واختتمت شقيقة شريف رمزي حديثها قائلة: اتولدت لقيتك، وكنا طول عمرنا 4، عمرنا ما هنبقي 3 يا صلاح، هتفضل موجود معايا في كل حاجة، بحبك وبموت فيك وبعشقك.

شريف رمزي يودع شقيقه صلاح 

كما ودعه شقيقه شريف رمزي قائلًا عبر حسابه الرسمي بموقع تبادل الصور والفيديوهات انستجرام :السلامة يا أطهر و أجمل خلق الله، صلاح أخويا عاش معايا ٣٨ سنة من يوم ما إتولد حياتي عمرها ما حتبقي زي ما هي من غيره بس مفيش حد غالي علي ربه، مش مصدق إني بقول كلمة الله يرحمه بطلب من كل الناس الدعاء له.

اقرأ أيضًا.. 

خاص| انفصال بوسي عن رجل الأعمال هشام ربيع 

خاص| أول رد من هشام ربيع على نفي بوسي لنبأ انفصالهما

وأوضح شريف رمزي عن أزمة شقيقه الصحية: شقيقى جاله مرض الالتهاب السحائى، وقبلها كان قعد يشكتى من رقبته وعملنا علاج طبيعى.. وعملنا تحاليل كل ارقام التحاليل عالية جدا والدكاترة قالوا عنده حاجة فى المخ وعلى اساسة تلقى 14 يوم علاج واليوم الـ15 انقطع عنه الاكسجين لمدة 15 يوم وراح فى غيبوبة.. وهناك تحسن بس بسيط والغيبوبة بتاعة ربنا وملهاش مدة.