مضايق وبيشتغل من غير نفس.. صابرين تكشف تفاصيل آخر مكالماتها مع طارق عبد العزيز

كشفت الفنانة صابرين، عن تفاصيل آخر مكالمة جمعتها بالفنان طارق عبد العزيز قبل وفاته عن عمر يناهز 55 عامًا، حيث أصيب بأزمة قلبية.

تحيا مصر

آخر مكالمة للفنانة صابرين مع طارق عبد العزيز 

وكتبت صابرين عبر حسابها بموقع التواصل الاجتماعي فيس بوك: طارق أنت كنت لسه مكلمني أول امبارح، وكنت بتقولي إنك مضايق وبتشتغل من غير نفس ومش مبسوط، وشفت فيلم وأنا طفلة وكنت عاوز تكلمني علشان بتحس أني طيبة طول عمري، وابتسامتي بتحسسك بالزمن الحلو.

صابرين تكشف عن تأثرها بوفاة طارق عبد العزيز 

وتابعت صابرين، هو أنت ليه كلمتني كنت بتودع صحابك لا حول ولا قوة إلا بالله.. عزائي الوحيد إنك في آخر المكالمة كنت بتضحك وقولت لي إنك دلوقتي مبسوط بس أنا حزينة وقلبي وجعني قوي يا طارق دموعي مش مخلياني عارفة أكتب إيه.. روح يا طارق عند اللي إن شاء الله هتسعد بجواره ويسكنك الفردوس الأعلى يا أطيب خلق الله ياه علي الوجع ربنا يصبرنا جميعا.

نجوم الفن ينعون طارق عبد العزيز 

كما كتب مجدي الهواري عبر حسابه الرسمي بموقع التواصل الاجتماعي فيسبوك عن طارق عبد العزيز: زي ماقولتلي لما اموت يامجدي ابقي قول للناس عندك تترحم علي انت حبيبك كتير 🙏 حاضر ياطارق والنبي ياناس ديه واصية 🙏تعالوا نترحم عليه  كلنا.

اقرأ أيضًا.. 

خاص| عمرو محمود ياسين: أي عمل فني لازم يكون فيه جانب مسلي عشان جذب الانتباه

خاص|سلوى عثمان نجلة عثمان محمد علي تكشف تفاصيل جنازته

وتابع مجدي الهواري، بس عايز اقولك انك حبيبك كتيييير اوي انت كمان ياطارق واهو الدليل رحمة الله عليك ياصحبي وعليكم السلام ورحمة الله وبركاته ان لله وان اليه راجعون 🙏ومش مصدق والله الي الان 🙏.

ونشر حسام داغر، صورة للفنان الراحل طارق عبدالعزيز معلقًا: «طارق بجد مش معقول سبحان من له الدوام كنا تاعبنين سوا في نفس الوقت من كام شهر لما أنا دخلت المستشفى وأنت عملت القسطرة ومع ذلك قعدنا ساعه نتكلم في التليفون نطمن على بعض وتحكيلي اللي حصل معاك كله.. كنت مسجلني على موبيلك حسام ابن عمتي بسبب كلامك مع ماما زمان وطلعتوا من نفس البلد في سوهاج وأنها تقربلك وفي مقام عمتك.. جمعنا مواقف كتير وصحوبية كتير وضحك كتير وحب كتير مش مصدق نفسي آخر مره شفتك في مهرجان العلمين وفضلت تطمن عليا وأنت اللي فيك مكفيك .. طول عمرك صاحب صاحبك وجدع أنا مش مصدق الجدعان الكويسين بيمشوا كلهم.. قلبي مبقاش مستحمل.. لنا الله يا رب وصبرني على وجع الفراق والسلام أمانة لماما ووالدك وكل اللي سبقونا مع السلامة يا طارق يا حبييي مع السلامة يا ابن خالي».