رانيا يوسف: مابخفش من ربنا.. ومفتكرش أني هتحجب في يوم من الأيام

كشفت الفنانة رانيا يوسف عن رأيها في ارتداء الحجاب، ومدى صحة تفكيرها في الألحاد، وذلك من خلال لقاء لها ببرنامج كتاب الشهرة، المذاع عبر شاشة تلفزيون قناة الجديد اللبنانية.

تحيا مصر

رانيا يوسف: ما بخافش من ربنا

وقالت رانيا يوسف: أنا بالنسبة لي مبحبش أحكم على حد من لبسه، الطرحة لا هتقلل مني ولا هتزودني الواحد بيتحجب بأفكاره ومعتقداته وده راي الشخصي ووالدتي وجدتي مش محجبين وأعرف ناس كبار في السن مش لابسين الحجاب.. مش متأهيالي إني اتحجب في يوم من الأيام.

وتابعت: ليه حبي بربي يرتبط بالخوف.. ده ربنا اسمه الرحمن الرحيم يعني مفيش أرحم منه على البشر، ليه الخوف طول الوقت وسياسة العذاب!؟

واختتمت رانيا يوسف حديثها أنها لم تفكر في يوم من الأيام بالإلحاد وأنها تربت على ديانة الإسلام ولا تحب أن تتحدث عن علاقتها بربها كونها طقوسها خاصة بها.

رانيا يوسف: بفضح المتحرش وبجيب الحق عليه حتى لو فيه إغراء

ميمي جمال: رانيا يوسف مهذبة ومريحة في الشغل

رانيا يوسف في et بالعربي

وسبق وأن تحدثت الفنانة رانيا يوسف عن معاناتها بعد الطلاق مع النفقة ومحاكم الأسرة، وذلك خلال لقاء لها ببرنامج et بالعربي على هامش حلقتها بـ  The Blind Date Show.

وقالت رانيا يوسف: أنا واحدة من الستات اللي عانيت جدًا في قصة الطلاق والأطفال والنفقة والمحاكم، ومسلسل زي تحت الوصاية أو مسلسلات كتير ابتدت تناقش القصص دي، وأنا حاسة أن دا وقتنا أننا لازم نعمل حاجة، ونحاول نغير في القوانين اللي موجودة لصالح الأطفال والستات اللي بتتبهدل عشان تاخد حقها.

وتابعت: فكرة الـ blind date حلوة لأنه من غير أقنعة ومن غير تمثيل ودا شيء لطيف، لأنه دايما في الأول ممكن يكون فيه شوية تمثيل لو الطرفين يعرفوا بعض، ولو لقيت الراجل رغاي أوي ولو حسيت أنه بخيل وبصباص هتقفل منه من أول date.

زيجة رانيا يوسف الثانية

وعلى صعيد لأخر، أكدت الفنانة رانيا يوسف على أنها كررت تجربة الزواج بعد زيجتها الأولى خوفًا من المجتمع، وذلك في حوارها ببرنامج العرافة مع الإعلامية بسمة وهبة.

حيث قالت رانيا: اتجوزت الجوازة التانية والتالتة عشان خوفت على سمعتي بعد طلاقي من مختار، وكان فيه ضغط من المجتمع عليا، وكنت بعمل حساب للمجتمع لكن دلوقتي لا.

جدير بالذكر أن رانيا يوسف تعيش حالة من النشاط الفني، حيث تستعد لطرح مسلسلها الجديد بقينا اتنين الشهر المقبل مع الفنان شريف منير، كما تنتظر طرح فيلم كتف قانوني.