يسرا أول حضور عزاء شقيق شريف رمزي بمسجد الشرطة

حرصت النجمة الكبير يسرا على تقديم واجب العزاء في المنتج صلاح رمزي شقيق الفنان شريف رمزي بمسجد الشرطة بمنطقة الشيخ زايد.

تحيا مصر

انهيار شريف رمزي في عزاء شقيقه صلاح رمزي 

وتلقى شريف رمزي شقيق صلاح رمزي عزاء شقيقه في حالة انهيار تام حيث توفى بعد دخوله في غيبوبة لمدة سنتين.

ونعى المنتج صلاح رمزي شقيق الفنان شريف رمزي، عدد كبير من نجوم الوسط الفني داعين المولى عز وجل أن يتغمد الفقيد بواسع رحمته ويلهم أهله الصبر والسلوان. 

يسرا في برنامج Abtalks 

على الصعيد الآخر، قالت يسرا خلال لقائها ببرنامج ab talks: الناس بتحكم على الفنان 24 ساعة وبيطلعونا شياطين على السوشيال ميديا ويصححوا أفعالنا، والجمهور بيغزو حياتنا لدرجة إني بتعب ومبقدرش أبتسم أحيانًا؛ لأننا عندنا ضغوطات ومش سعداء دايمًا، وقبل السوشيال ميديا مكنش حد بينتقد فنانة عشان لبست بيكيني وكان عندنا حرية وخصوصية.

أبرز تصريحات يسرا 

وتابعت، إحنا كنا أسعد وعندنا حرية ووقت خاص لينا ومحدش بيقتحم خصوصيتنا قبل ظهور السوشيال ميديا، ومكنش حد بيحكم علينا وبقينا نتعرض لانتقاد أكتر حاليًا، عكس من 40 سنة وبدأت أعاني من السوشيال ميديا، لدرجة الناس بيصورونا وإحنا بناكل وينشروها على السوشيال ميديا، ليه بتصورونا وإحنا بناكل؟ سيبونا في حالنا ليه بتقتحم خصوصيتي كدا؟

اقرأ أيضًا.. 

خاص|سلوى عثمان نجلة عثمان محمد علي تكشف تفاصيل جنازته

خاص| انفصال بوسي عن رجل الأعمال هشام ربيع 

وأضافت، فيه اللي بيقتص الكلام وياخد كلمتين ملهمش علاقة باللي بقوله وينشرهم، ودا ميصحش على الأقل بالنسبة لآداب السلوك والأخلاقيات ودي ملهاش علاقة الشخص متعلم ولا لا، ولكنها الطبيعة الإنسانية، مثلا لو لقيت شخص أكبر مني سنًا ومش لاقي مكان يقعد هقف له لأني اتعلمت دا في المدرسة.

واختتمت يسرا حديثها قائلة: في النهاية أنا اخترت الشهرة ولازم أتحمل عيوبها ومينفعش ألوم حد؛ لأني بحب اللي بعمله وبحترمه وأنا مدينة للناس اللي بيحبوني ولكن بقول لهم سيبولي وقت عشان أقدر أكمل والمفروض يكون فيه تقدير للخصوصية أكتر زي ما أنا بقدر حبهم.