قصة حياتي مليانة كفاح و أحداث الجمهور مش هيتحملها.. أبرز تصريحات نادية الجندي

علقت الفنانة نادية الجندي عن تجسيد سيرتها الذاتية ومشوارها  في عمل فني خلال الفترة المقبلة، وذلك في لقائها مع برنامج عرب وود.

تحيا مصر

نادية الجندي تتحدث عن إمكانية تجسيد قصة حياتها

وقالت نادية الجندي: قصة حياتي حقيقي مليانة أحداث وتعب وكفاح وتحديات، هتطلع قصة جميلة جدًا، ولكن الجمهور مش هيتحملها، وهيلهث وراها من كتر المجهود اللي بُذل، بس الحمد لله النتيجة حب الجمهور وحب الناس ده بيعوض عن أي شيء وبينسي كل صعب.

رد نادية الجندي على انتقادات ظهورها بإطلالات شبابية 

من جانبه، قالت نادية الجندي عن ظهورها بإطلالات شبابية: الفنان لازم يبقى قدوة وأيدل للناس كلها، أنا بعتبر نفسي أما بحافظ على شكلي ومظهري بحترم جمهوري، مينفعش الفنان يطلع شكله وحش ووتخين ومنظره كئيب، لازم أكون متنزنة طول الوقت شكلي يكون صح ولياقتي البدنية صح عشان يساعدني بالأعمال اللي بقوم بيها، وإحنا بقى عندنا ثقافة الرياضة والرشاقة والتجميل وثقفات الناس مكنتش بتهتم بيها زمان، والوعي زاد أوي.

تصريحات نادية الجندي 

وكشفت نادية الجندي عن سبب تغيبها عن الساحة قائلة: يوم أما أنزل في عمل لازم يكون ليه قيمة وفيه حاجة جديدة، عملت كل الأدوار اللي ممكن أعملها فمحتاجة ادوار جديدة.

وأضافت نادية الجندي، مفيش كتاب تقال زي زمان بقى في استسهال، أما يعجبوا حاجة بيقلدوها وبقدمو سيناريو 4 صفحات والباقي بيقولوا هكمولها واحنا بنصور ودا شغل مينفعش معايا، أنا اعمالي السيناريو بيتكتب فيها من 4 لـ 6 مرات.

ووجهت نادية الجندي رسالة شكر لجمهورها قائلة: بشكر جمهوري الحبيب على دعمه الدائم ليا بشكركم علي محبتكم والتعليقات الإيجابية الجميلة اللي أسعدتني كثيراً وسعيدة بالتريندات وردود الأفعال علي جميع المواقع والسوشيال ميديا ويارب أكون دايماً عند حسن ظنكم.. بحبكم أوى أوى.

اقرأ أيضًا.. 

عابد عناني: كل الناس مكملة في شغلها حتى محمد سلام 

هذا وقالت نادية الجندي في مداخلة هاتفية لـ برنامج الستات المذاع على قناة النهار وتقدمه الإعلامية سهير جودة عن طقوس رأس السنة: بحب أقضي رأس السنة في البيت وليا طقوس معينة بعملها كل سنة، بحب أقعد مع ابني في البيت وشوية طقوس بعملها برتاح نفسيا وأنا بعملها ببدأ السنة الجديدة بالروحنيات والدعاء وبحس براحة نفسية مبحبش الزحمة والخروج، وعلمت هشام ابني انه يعمل بردو كدة.