صفية العمري: اتعرضت للنصب بإسم الشيخ الشعراوي وهذا سر عدم زواجي مرة ثانية

حلت الفنانة صفية العمري أمس الخميس الموافق 23 نوفمبر ضيفة برنامج حبر سري الذي تقدمة الإعلامية أسما إبراهيم عبر قناة القاهرة والناس الفضائية.

تحيا مصر

تعرض صفية العمري للنصب

وكشفت الفنانة صفية العمري، عن  تعرضها لعملية نصب استخدم فيها اسم الشيخ محمد متولي الشعراوي، قائلة: حصلت لي عملية نصب مع مولانا الشيخ الشعراوي وكلمت ياسمين الخيام وقولت لها في نصب تعرضت له وفي ناس جم أخذوا فلوس باسم الشيخ الشعراوي.

وتابعت صفية العمري، ياسمين الخيام كلمت الشيخ ورحنا قبلناه وحكيت له الموضوع، فعرفت أنها عملية نصب وابتزاز باسم الشيخ محمد الشعراوي.

سبب عدم زواج صفية العمري مرة ثانية 

وعن سبب عدم زواجها مرة ثانية، قالت صفية العمري: السر إني بحب ولادي قوي، ولا يمكن كنت أضرهم أو أؤذيهم أو أدخل حد يؤذيهم.

وأعربت عن غضبها بسبب شائعات وفاتها قائلة: موتوني والشهر اللي فات كان في صور ليا أني دخلت المصحة لأني أصيبت بالعمى، حرام عليكم تموتوا الناس.

وتابعت، الفنان أعطى من جهده ومن حياته عشان يفرح الناس ليه عايزين تموتوه ومش عايزينه يعيش حياته؟، ليه عايزين تعموني هو أنا ماليش أولاد سبوني أعيش في راحة وطمأنينة بدل ما تشكروني بتموتوني وأنا عايشة، أرحمونا عندنا أطفال عندكم إيه مش فاهمة أنتوا مرضى نفسيين فكروا في ربنا.

تصريحات صفية العمري في برنامج حبر سري 

وأضافت صفية العمري، بخاف من أن تيجي لحظة وأولادي ميكنونش جنبي الزمن غدار والدنيا ملهاش آمان، وعمري ما عملت حساب للزمن وكنا بنشتغل للفن ومفكرناش في جيلي نشيل فلوس للزمن، المجتمع اتغير للأسف وصعبان عليا إيه اللي جرى للشباب فين الثقافة فين القراءة والمزيكا للأسف أكبر مصيبة جت في الكون هي السوشيال ميديا هي اللي بوظت الدنيا.

اقرأ أيضًا.. 

خاص|عفاف مصطفى عن فيلم ولنا في الخيال حب: قصة حقيقية 

ميار الببلاوي عن مساندتها للشعب الفلسطيني: عملت دوري كإعلامية لكن دوري كمسلمة نفسي اعمل أكتر من كده

واختتمت الفنانة صفية العمري حديثها قائلة: بفكر في أمي لأن كان لازم أتفرغ لها وكنت بشتغل كتير، والحرمان بنحس به بعد فترة طويلة إزاي يكون عندي الكنز ده وكنت مشغولة واتحرمت منها وبدور عليها ومش لاقياها، ومفتقدة وجودها في البيت لأنه كان جايب خير وستر ورزق وكل حاجة مشيت وراها.