سامح حسين: مفكرتش أعمل رامز لأنه مش من حقي.. وأشرف عبدالباقي أضاف لي كتير
ADVERTISEMENT
حل الفنان سامح حسين ضيفًا على برنامج مساء الإمارات للإعلامي عبدالعزيز أحمد، والمذاع عبر شاشة الظفرة، وتحدث عن كواليس تعاونه مع الفنان أشرف عبدالباقي في مسلسل راجل و6 ستات، وعن إمكانية تقديم شخصية رامز في عمل آخر خاص بـ سامح حسين.
سامح حسين: أنا وأشرف عبدالباقي عملنا ثنائي لطيف جدًا
وتحدث سامح حسين عن تعاونه مع أشرف عبدالباقي في مسلسل راجل و6 ستات، وعن أهمية العمل في تاريخه الفني من خلال برنامج مساء الإمارات: "التيم كله في مسلسل راجل و6 ستات سبب نجاحه ومش عايزين نغفل وورشة الكتابة والمخرج، بس الكيميا بينا ركبت مع الناس، وأنا وأستاذ أشرف عبدالباقي عملنا ثنائي لطيف جدًا والاتنين كانوا أغبى من بعض هو مش أذكى مني".
تابع سامح حسين قائلًأ: "مسلسل راجل و6 ستات هو اللي عرفني في العالم العربي وكان في محاولات قبلها بس هي دي اللي انتشرت وأكتر حاجة تم توزيعها، أشتغلت 7 سيزون وكل سيزون كان 34 حلقة".
وعن جملة "حبيبي يا دولة" أكد سامح حسين أنها كانت فكرته، قائلًا: "دولة حبيبي جت من تاني حلقة، كنت بقوله عادل ولأني بحب أشتغل على الورق، روحت لأشرف عبدالباقي وقولته أنت بتنهرني وبتزعق لي على طول لو أنا بدلعتك وأنت برضو بتنهرني أعتقد هتبقى لذيذة ولطيفة".
سامح حسين: مفكرتش أعمل رامز لأنه مش من حقي
وعن إمكانية تقديم شخصية رامز في عمل خاص به، قال سامح حسين: "مفكرتش أعمل رامز في أي حاجة خاصة بيا مش من حقي لأن أنا أشتغلت منتج ومخرج فأنا عارف كويس جدًا الحدود بتاعة كل واحد بحب أقدم حاجات جديدة تانية".
وأردف سامح حسين قائلًا: "لو أستاذ أشرف طلبني في سيزون جديد من مسلسل راجل و6 ستات هوافق طبعًا، وينفع سنين طويلة جدًا لأنه عن مواضيع حياتية وينفع مش بس محلي يعني تخيل لو الثنائي ده راح في أي حتة زي دبي مثلًا أو فرنسا".
سامح حسين عن أشرف عبدالباقي: أضاف لي أكتر وهو شخص متسامح
والجدير بالذكر، أن سامح حسين اختتم حديثه قائلًا: "أستاذ أشرف أخويا وأحب أقوله شكرًَا، والثنائي بتاعنا أضاف للمسلسل وأضاف لنا بس أضاف لي أكتر، وهو متسامح لدرجة أنه يوافق أني أضحك أكتر في مشاهد وحلقات معينة وهو موجود فده تسامح كبير وحب، لو أي عمل لو مفيش فيه حب وتفاهم بين التيم مش هيطلع حلو".
جوجل نيوز
تطبيق نبض
