الطفل هناك ضفره برقبتي ومش خايف اخسر شغلي بسبب كلامي.. أبرز تصريحات محمد عطية عن غزة

أدلى الفنان محمد عطية بعدة تصريحات بشأن الأوضاع في غزة وما يتعرض له أهلها من قصف وإبادة كاملة.

تحيا مصر

محمد عطية يبكي بسبب الأوضاع في غزة 

وقال محمد عطية باكيًا: عندي حاجات بشتغل فيها لأن ده أكل عيشي، لكن بستحرم اللقمة اللي بأكلها، إحنا معندناش دم؟!، بنأكل والأطفال بتموت من الجوع في فلسطين، الأطفال بتموت حرام كده.

محمد عطية يستنكر ما يحدث في غزة 

وأضاف محمد عطية، بقيت أبص للسقف وأحمد ربنا إن عندي سقف، الأب بيحضن أولاده وهو نايم مش عارف هيصحى في حضنهم ولا لأ، مش خايف أخسر حاجة في شغلي بسبب تصريحاتي ما يولع أي حد، الطفل اللي عنده 10 سنين في غزة ضفره برقبتي.

عابد عناني عن مشاركته في مسلسل الحشاشين: منتظر العمل دا من السنة اللي فاتت 

وسبق وقال محمد عطية: بناشد كل المؤثرين على السوشيال ميديا من ممثلين ولاعبين كرة وبلوجرز، أرجوكم اتكلموا على اللي بيحصل في فلسطين.. سنُسأل لاحقا عن شعب تم إبادته بالكامل قدام عينينا وإحنا واقين بنتفرج.

وتابع، الوضع هناك أسوأ من السجن، أنت في السجن متأمنلك أكل وشرب ومش معاك أطفال ولا رُضع، الوضع في غزة مش بالمنظر ده، النهاردة إسرائيل أمرت بإخلاء شمال غزة، ولو ممشيوش أنتو عارفين إيه اللي هيحصل، والإعلام الغربي بيباركوا الإبادة الجماعية في فلسطين وشايفين إن إسرائيل هي الضحية.

تصريحات محمد عطية 

واختتم محمد عطية حديثه قائلًا: بلاش الكلام بتاع هو الكلام هيأثر؟.. إحنا مفيش في إيدينا حاجة نعملها غير ده ولو في حاجة تانية قولولي وأنا أول واحد هعملها، فمفيش غير إننا نتكلم على السوشيال ميديا وأرجوكم متزهقوش.

وعن علاقته بميرا ميخايل، قال محمد عطية: كنت بحب ميرا مخايل فعلًا في برنامج ستار أكاديمي، وفضلنا 3 سنين ونص متصاحبين بعد برنامج ستار أكاديمي، وهي دلوقتي متجوزة وهي صديقة رائعة، ومكملناش بسبب اختلاف الدين.

علاقة محمد عطية بميرا مخايل
وتابع: أنا معنديش مشكلة في الحاجات دي وعندي اعتقاد شخصي أن الحب بيتزرع في قلب الإنسان من ربنا، والدين فكرته كلها تهذيب البشرية والناس تكون بتحب بعض، لو بتعملي ده إيه المطلوب تاني غير كده؟ وفي الآخر إحنا في حياتنا عايشين علشان نتبسط كل اللي حوالينا ده ديكور