بعد أول ظهور إعلامي لها عقب وفاة والدها.. سلوى عثمان تتصدر التريند

سلوى عثمان.. تصدرت الفنانة المصرية سلوى عثمان تريند محرك البحث الشهير جوجل، وذلك بعد حلولها ضيفة على برنامج الستات ما يعرفوش يكدبوا المذاع عبر شاشة قتاة Cbc، في أول ظهور تليفزيوني لها عقب وفاة والدها.

تحيا مصر

سلوى عثمان تفجر عدة تصريحات عن والدها

وفجرت سلوى عثمان عدة تصريحات عن والدها قائلة: كان أستاذ لغة عربية وكان عامل لنفسه صدقة جارية بتسجيل القرآن الكريم لغير الناطقين باللغة العربية، وده شيء هيستمر صدقة جارية بعد وفاته وأنا متأكدة أنه في الجنة.

آخر كلمات عثمان محمد علي قبل وفاته

وتابعت سلوى عثمان، الجملة الوحيدة اللي قالها لي قبل وفاته هي خلي بالك من نفسك وده حسسني إنه خلاص، ودايما كان يقول لي خليكي هادية وخدي ردود فعل بسيطة، لأني كنت عصبية شوية لكن هو كان هادي وردود فعله هادية.

مرض عثمان محمد علي والد سلوى عثمان 

وأشارت الفنانة سلوى عثمان إلى أن والدها كان أصيب بجلطة في المخ العام الماضي ومع تصوير مسلسل بابلو الذي اعتذر عن استكماله، وتعافى من الجلطة بعد دخوله المستتشفى وخضوعه لجلسات علاج طبيعي لكنها تركت أثرًا باليد والقدم الأمر الذي كان يعوق حركته.

وأردفت، كان مرتبط جدًا بإسكندرية وبيحبها جدا، ولما اتعالج بالأدوية والعلاج الطبيعي بدأ يمشي تاني، وكان لآخر لحظة مش بيحب يسيب شغله وكان بيروح وهو تعبان وطلابه زعلوا عليه لأنه كان بيحب الحياة والشغل.

واستطردت، كان خف وبدأ يكون كويس لكن قبل 25 وفاته بكلمه علشان أطمن عليه قال لي تعبت تاني، بشكل مضاعف ولقيته بيقول خلي بالك من نفسك لما قال لي الكلمة دي حسيت إنه بيودعني ولكنه كان بيتكلم كويس، وقال لي عاوز آجي لك لكنه رجع قال أنا تبعان مش قادر آجي، وبعدها بيوم قلت له هاجي أخدك لكنه رفض، واليوم اللي جه فيه كنت في مشوار فتحت التليفون لقيته ملكمني كتير وقال لي أنا جاي ليكي، وفعلًا جه مع ناس قرايبنا وأنا بكلمه في الطريق علشان أطمن عليه لقيته بيقول اه بصوت عالي.

واستكملت، أول حاجة فكرت فيها دكتور أشرف زكي لأنه سند لينا بعد ربنا، وقال لي هاتيه دار ضيافة كبار الفنانين عندنا فريق طبي وعلاج طبيعي، وقال لي محمود عبد الغفار هيستقبلك لقينا شيء عظيم جدا وممرضات ملائكة، قعدنا مع والدي شوية وأكلناه وسبناه دخل نام وتاني يوم لقيته مش داري بحاجة ولما أقول له سامعني يهز راسه.

اقرأ أيضًا.. 

خاص| ملك قورة: نفسي اعمل حاجة رومانسية حلوة 

ملك قورة تكشف عن كواليس تحضيرها لشخصية هانيا في حكاية ما تيجي نشوف 

وعن اللحظات الأخيرة في حياته، قالت سلوى عثمان: يوم وفاته سبته نايم وقلت لهم هروح أعمل مشوار وأرجع ولما رجعت لقيت محمود عبد الغفار بيكلمني قال لي بابا تعبان وشكله عنده غيبوبة سكر ورفض يقول لي إنه مات، وأنا لسه بتكلم في التليفون لقيت صحافيين بيكلموني بيقولوا لي البقاء لله، قلت لهم لا ده في غيبوبة سكر وهيفوق ولما روحت هناك عرفت إنه توفي ومش لازم أقول اللي حصل هو ربنا رحمه لأنه كان تعبان حتى في الآخر مش دريان بحد.