عابد عناني عن استبعاد لوسي من مسرحية الحفيد: تغييرات لظروف الاندماج مع بعض

علق الفنان عابد عناني على استبدال الفنانة لوسي بالفنانة سما إبراهيم في مسرحية الحفيد، بعد الأزمة التي اشتعلت بين أبطال العمل.

تحيا مصر

عابد عناني يكشف عن رأيه في أزمة مسرحية الحفيد 

وقال عابد عناني في تصريح خاص لموقع " تحيا مصر ": موضوع بسيط وعادي وبيحصل طول الوقت في المسرح أنه بيبقى فيه تغييرات لظروف الاندماج مع بعض لأنه ده مسرح وبنقابل بعض كل يوم، فكان شئ مش في النسق بتاع التجربة كلها على بعض فتم استبداله.

أبطال مسرحية الحفيد 

ومسرحية الحفيد، من بطولة سماء إبراهيم، وعابد عناني، وعادل عفر، ومحمد مبروك، وشيريهان الشاذلي، ويوسف المنصور، ورنا خطاب، وزينب العبد، ومحمود عبدالرازق، ونشوى علي عبدالرحيم، وندا عفيفي، وعبدالباري سعد، ومجموعة كبيرة من الفنانين، وديكور حمدي عطية، وإضاءة حازم أحمد، وملابس مروة عودة، والتعبير الحركي شيرين حجازي، وموسيقى كريم عرفة، وإعداد وإخراج يوسف المنصور.

تصريحات ندى عفيفي بطلة مسرحية الحفيد 

هذا و قالت ندى عفيفي بطلة مسرحية الحفيد عبر حسابها الشخصي على موقع التواصل الاجتماعي فيس بوك عن أزمتها مع لوسي: سنة وشهر و18 يوما من يوم الواقعة وأنا أنتظر عدل ربنا ودايما كنت واثقة وعندي يقين بالله، ناس سابتني وناس وقفت جمبي وناس هاجمتني وناس كسرت أملي وناس ساندتني ودعمتني بكل قوة، أحداث كتير وتفاصيل كتير، تعبت وأحبطت واتكسرت لكن دايما ملجأي هو حبيبي ربنا، قريبا بأمر من الله، دعواتكم في اللي جاي ورد الاعتبار الفني والأدبي.

وأوضحت ندى عفيفي في تصريح خاص لموقع تحيا مصر: عمري  ما حصلي ده مع اي فنان إذا كان كبير أو صغير أنا دايما بحترم شغلي وبحترم الفنانين اللي شغالين معايا مهما كان سنهم ومهم كان  تاريخهم الفني وهما بيبادلوني الاحترام مش معقول هحترم حد وهو يهيني.

وتابعت: مشاكل الاستاذه لوسي كانت معانا كلنا مش أنا بس حتى الأطفال والمشكلة عندها هي ولو انا بس اللي عامله المشكلة هشك في نفسي ولو للحظه لكن التجاوزات تليها تجاوزات.

واستطردت: احنا كلنا بقى عندنا ضرر نفسي وكلنا عندنا نفس القضية وبنطالب انها تمشي واحنا نكمل العرض لاي فنانة تانيه حبًا في العرض.

واستكملت: ندمت اني اشتغلت معاها لأني كنت بحبها وفي اعمال عملتها كلنا حبناها وندمي الوحيد إنسانيًا ومش فنيًا لإني كان نفسي تفضل صورتها في خيالي زي ما كنت بحبها.

وأردفت: كل الكاست كان بيحبها وكانوا بيقوله هنشتغل مع استاذه لولسي لأننا شوفنا مسلسلها العظيم ارابيسك وان تتجسد قدامي شخصية كنت بحبها زمان ده كان هيبقى شيء عظيم لكن ندمنا اننا مبقتش بنحبها وده غصب عننا.

اقرأ أيضًا.. 

عابد عناني عن مشاركته في مسلسل الحشاشين: منتظر العمل دا من السنة اللي فاتت 

مسلسلات رمضان 2024.. عابد عناني يكشف عن تفاصيل شخصيته في الحشاشين

واختتمت ندى حديثها قائلة: انا مش عارفه هي ليه كانت بتعمل معانا كده هل عشان هي فنانه كبيره او ضغوط مش لاقيه سبب واضح ونفسي يبقى عندها مبررات فعاليه وحقيقية وتتكلم وتقول انا عملت ده عشان  السبب كذا ونقدر نتناقش لكن ان الموضوع يوصل للسب والضرب مفيهاش مناقشه وده مستوى مرفوض من التعامل.