شريف منير عن حفيدته: كبرت وبقت حنينة عليا أوي.. بحمد ربنا عليها

أشاد الفنان الكبير شريف منير بحفيدته لارا ابنة أسما شريف منير، وذلك من خلال حسابه الرسمي بموقع تبادل الصور والفيديوهات القصيرة إنستجرام.

تحيا مصر

شريف منير يتحدث عن حفيدته

ونشر شريف منير عدة صور لحفيدته لارا ابنة أسما شريف منير، وعلق عليها قائلًا: حفيدتي كبرت، بقت جميلة، وبقت حنينة عليا أوي أوي، أنا بحمد ربنا إنه أداني حفيدة حنونة، طيبة، مؤدبة، جميلة وزي القمر، ربنا ما يحرمني منها.

من جانبه، قال شريف منير خلال فيديو نشره عبر حسابه على موقع تبادل الصور والفيديوهات القصيرة إنستجرام: مساء الخير، باكل سمك مشوي ورز أبيض، إيه الدوشة اللي إنتو عاملينها دي وإيه الضجة اللي إنتو عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته، تصرف عادي جدًا مفيهوش أي حاجة، إوعوا تفتكروا إني هاجي على بنتي عشان خاطر أكسب رضاكم.. دي بنتي اللي ماليش غيرها وبحبها.

شريف منير يدافع عن ابنته أسما شريف منير 

وتابع شريف منير، بالمناسبة اللوك اللي عملته عاجبني وأنا مبسوط منها أوي، بس قبل ما الإخوة السادة الملايكة الصالحين اللي عمالين يقلوا أدبهم ويشتموا، وبيقولوا تاخد التريند وجاتها البلاء في شكلها وبيقولوا أبوها معرفش يربيها، لا أنا بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد.

رد شريف منير على حلاقة أسما شريف منير لشعرها

وأضاف شريف منير، قبل ما تتكلموا بصوا على نفسكو واتفرجوا على عيلتكو وعلى إخواتكو وعلى الناس اللي حواليكو قبل ما تنتقدوا وتغلطوا وتقولوا متربتش بـ 3 تعريفة أو بربع جنيه تربية، لا أنا بنتي متربية كويس جدًا.

اقرأ أيضًا.. 

ماجدة خير الله عن فيديو بيومي فؤاد: موقف مهين.. عليه العوض في الفن المصري

واختتم شريف منير حديثه قائلًا: بحب آكل السمك والرز بإيدي حتى في المحلات الفخمة جدًا تفتكروا دي قلة أدب مني ولا مفيش إتيكيت؟ على العموم ريحو نفسكو واهدوا شوية؛ لإن اللي حصل من بنتي مش غلط ومش عيب هي مغلطتش في حد فيكو ومغلطتش في نفسها وبعدين بنتي عندها 36 سنة وأم وعندها بنوتة ومسئولة عن نفسها.. وأنا أب مسئول إني أحميها وهي حرة في تصرفاتها، أسما أنتي شكلك زي القمر وشكلك حلو جدًا وخدتي التريند برافو عليكي، متسمعيش كلام حد ومتهتميش بكلام حد وأنا مش مهتم بالكلام اللي بيتقال عليا ولا عليها المهم إننا مش بنضر حد، سلام عليكم.