سلوى عثمان عن والدها الراحل: وشه كأنه عنده 30 سنة وماتعذبش روحه طلعت بسهولة

حلت الفنانة سلوى عثمان ضيفًا على برنامج الستات ما يعرفوش يكدبوا المذاع عبر قناة cbc الفضائية، وذلك في أول ظهور إعلامي لها بعد وفاة والدها الفنان عثمان محمد علي.

تحيا مصر

تصريحات سلوى عثمان عن والدها 

وقالت سلوى عثمان عن والدها: كان أستاذ لغة عربية وكان عامل لنفسه صدقة جارية بتسجيل القرآن الكريم لغير الناطقين باللغة العربية، وده شيء هيستمر صدقة جارية بعد وفاته وأنا متأكدة أنه في الجنة.

وصية والد سلوى عثمان 

وتابعت سلوى عثمان، الجملة الوحيدة اللي قالها لي قبل وفاته هي خلي بالك من نفسك وده حسسني إنه خلاص، ودايما كان يقول لي خليكي هادية وخدي ردود فعل بسيطة، لأني كنت عصبية شوية لكن هو كان هادي وردود فعله هادية.

وأوضحت الفنانة سلوى عثمان أن والدها كان أصيب بجلطة في المخ العام الماضي ومع تصوير مسلسل بابلو الذي اعتذر عن استكماله، وتعافى من الجلطة بعد دخوله المستتشفى وخضوعه لجلسات علاج طبيعي لكنها تركت أثرًا باليد والقدم الأمر الذي كان يعوق حركته.

اقرأ أيضًا.. 

خاص| أول رد من هشام ربيع على نفي بوسي لنبأ انفصالهما 

خاص| انفصال بوسي عن رجل الأعمال هشام ربيع 

واستكملت، كان مرتبط جدًا بإسكندرية وبيحبها جدا، ولما اتعالج بالأدوية والعلاج الطبيعي بدأ يمشي تاني، وكان لآخر لحظة مش بيحب يسيب شغله وكان بيروح وهو تعبان وطلابه زعلوا عليه لأنه كان بيحب الحياة والشغل.

وأردفت، كان خف وبدأ يكون كويس لكن قبل 25 وفاته بكلمه علشان أطمن عليه قال لي تعبت تاني، بشكل مضاعف ولقيته بيقول خلي بالك من نفسك لما قال لي الكلمة دي حسيت إنه بيودعني ولكنه كان بيتكلم كويس، وقال لي عاوز آجي لك لكنه رجع قال أنا تبعان مش قادر آجي، وبعدها بيوم قلت له هاجي أخدك لكنه رفض، واليوم اللي جه فيه كنت في مشوار فتحت التليفون لقيته ملكمني كتير وقال لي أنا جاي ليكي، وفعلًا جه مع ناس قرايبنا وأنا بكلمه في الطريق علشان أطمن عليه لقيته بيقول اه بصوت عالي.

وأردفت سلوى عثمان: أول حاجة فكرت فيها دكتور أشرف زكي لأنه سند لينا بعد ربنا، وقال لي هاتيه دار ضيافة كبار الفنانين عندنا فريق طبي وعلاج طبيعي، وقال لي محمود عبد الغفار هيستقبلك لقينا شيء عظيم جدا وممرضات ملائكة، قعدنا مع والدي شوية وأكلناه وسبناه دخل نام وتاني يوم لقيته مش داري بحاجة ولما أقول له سامعني يهز راسه.

آخر لحظات في حياة والد سلوى عثمان 

وأضافت، يوم وفاته سبته نايم وقلت لهم هروح أعمل مشوار وأرجع ولما رجعت لقيت محمود عبد الغفار بيكلمني قال لي بابا تعبان وشكله عنده غيبوبة سكر ورفض يقول لي إنه مات، وأنا لسه بتكلم في التليفون لقيت صحافيين بيكلموني بيقولوا لي البقاء لله، قلت لهم لا ده في غيبوبة سكر وهيفوق ولما روحت هناك عرفت إنه توفي ومش لازم أقول اللي حصل هو ربنا رحمه لأنه كان تعبان حتى في الآخر مش دريان بحد.

وقالت سلوى عثمان، البنت قالت لي روحه طلعت بسهولة وما تعذبش ووشه كأن عنده 30 سنة.

وأكدت، بابا بيحب شغله وأهم حاجة عنده يعمل شغله على أكمل وجه ويعمل كل حاجة صح وكان بيحب اللغة العربية جدا، وكان بيصحح لغة عربية، وما كانش بيفرق معاه اسمه على الأفيش بقدر اهتمامه بأن يقدم دورا مؤثرا، والحمد لله كان فيه تقدير لفنه من كل الناس اللي حواليه وكان بيهتم بشغله أكتر من موضوع الاسم واتكرم كتير، وآخر تكريم له كان من الشركة المتحدة وده أسعده وأسعدنا واسعدني بشكل خاص، إلى جانب أنه كان متكرم من الناس كلها لأن كل جمهوره بيقدره وبيحبه وطول ما أنا ماشية بيعزيوني ومفيش حد والله ما زعلش عليه.

وعن مساندة الفنان أشرف زكي، قالت: بعد ربنا سند لينا كلنا ومحمود عبد الغفار بشكره جدا جدا لأنه وقف معانا بقلبه.