أحمد جمال سعيد: ملك قورة اكتشاف وشرف ليا إن اسمي مقترن بفريد شوقي

حل الفنان أحمد جمال سعيد ضيف على برنامج  "free time" والذي تقديم الإعلامية يارا أحمد والإعلامية نسمهار الصغير ويعرض علي شاشة قناة هي، وفجر من خلاله عدد من التصريحات الخاصة بحياته الشخصية المهنية.

تحيا مصر

أحمد جمال سعيد: بنحس أنا وملك قورة ببعض أوي

تحدث أحمد جمال سعيد عن علاقته بـ الفنانة الشابة ملك قورة فقال : ملك قورة دي اكتشاف وانا وملك بنحس ببعض اوي يعني تعبت لمًا هي تعبت وهي مكسب ليا وشاطرة وبتحب شغلها اوي.

من جانبه قالت ملك قور: أحمد جمال من اكتر الممثلين المريحين اللي اشتغلت معاهم وهو بيعرف يهدينا واحنا مضغوطين في الشغل علشان كده حققنا نجاح في مسلسل ماتيجي نشوف و طلعنا احلي مشاهد 

أحمد جمال سعيد: أننا نكمل مسلسل كامل العدد بدون مصطفى درويش مأثرة عليها

وتطرق أحمد بحديثه عن مصطفى درويش، قائلا: الفنان مصطفي درويش الله يرحمه اعرفه من زمان وهو كان جدع وابن ناس واخ مش هعرف اعوضه.

وتابع حديثه: كواليس مسلسل كامل العدد كان فريق العمل اسرة كبيرة وموضوع اننا نكمل الجزء الثاني من غير الفنان مصطفي درويش مأثر علينا بس لمة عيلة فريق العمل ان شاء الله تنجح الجزء التاني، ودينا الشربيني كواليس الشغل معاها عظيمة وهي ضحكتها حلوة من قلبها وبتضحكني وروحها جميلة.

أما عن شريف سلامة فقال:بحسه اخويا واحنا اصحاب اوي برا الشغل وشريف بيحب الاغاني القديمة و حافظ منولوجات اسماعيل ياسين وكنت بحب اسمعها منه وهو مثقف جدا وبحب اخد رأيه في كل حاجة وكسبت كتير من شخصيته.

إشادات جماهيرية بأداء أحمد جمال سعيد والجمهور: ممثل شاطر وبيطور من نفسه

أحمد جمال سعيد وعلاقته بـ فريد شوقي

 وأضاف أحمد جمال سعيد خلال البرنامج شعوره بصلة القرابة بينه وبين فريد شوقي، فقال: فكرة اني حفيد فريد شوقي تعتبر نعمة ونقمة في نفس الوقت .. نعمه لان "فريد شوقي " تاريخ كبير وحاجة تشرف اي حد ان اسمي يكون مقترن بفريد شوقي، ونقمة لان الناس هتبدأ تحاسبك علي ان انا حفيد فريد شوقي فلازم احافظ علي الورث الفني اللي سايبه او ابقي زيه او نفس المستوي الفني وده صعب جدا طبعا.