نشرة أخبار الفن: مها أحمد تكشف سبب ظهورها على تيك توك وتوجه رسالة لمجهول.. وائل جسار: أطفال غزة محتاجين وقفة رجل شجاع مش فلوس.. وهذه تطورات أزمة خالد عليش مع طليقته

شهدت الساحة الفنية، اليوم الجمعة الموافق 17 نوفمبر، العديد من الأنباء الهامة والأحداث الفنية المشوقة واللافتة للإنتباه، وفي هذا الإطار يستعرض تحيا مصر أحداث فنية في إنتظارك.

وائل جسار: أطفال غزة محتاجين وقفة رجل شجاع مش فلوس

أكد المطرب اللبناني وائل جسار على أن غزة وأهلها في حاجة إلى الدعم المعنوي وليس الدعم النادي، وذلك خلال مداخلة تلفزيونية في برنامج "free time للإعلامية يارا أحمد والذي يعرض عبر قناة هي.

وقال وائل جسار: أطفال غزة مش محتاجين فلوس محتاجين وقفة رجل شجاع عايزين فعل مش كلام.. لأن فلسطين بتموت وبتروح من أيدينا.

بسبب ابنته.. خالد عليش يعرب عن استيائه من طليقته: مش عارف هشوفها امتى تاني

كشف المذيع والفنان خالد عليش عن تطورات أزمته مع طليقته ميما الشامي، مشيرًا إلى أنها ترفض رؤيته لابنته رغم تطبيقه للشروط.

وكتب خالد عليش، عبر خاصية ستوري على حسابه الرسمي بموقع تبادل الصور والفيديوهات القصيرة إنستجرام: للأسف بعد ما شوفتها كذا أسبوع ورا بعض بمجموعة اشتراطات، رجعنا الحنفية تتقفل تاني ومش عارف هرجع أشوفها تاني إمتى؟.. حسبي الله ونعم الوكيل.

مها أحمد: احنا بنطلع على تيك توك وبقبل الهدايا عشان مفيش شغل

كشفت الفنانة المصرية مها أحمد عن سبب ظهورها على تيك توك، وذلك خلال بث مباشر عبر حسابها على تيك توك.

وقالت مها أحمد: إحنا بنطلع عشان مبنشتغلش، في الوسط مبنشتغلش ولقينا مجال زي السوشيال ميديا، ولو أنا مثلًا بعمل مسرح ولو فيه عائلة سعودية أو كويتية بيجيبولي هدايا، وعندي أصدقاء يمنيين بيجبولي فضة وبقبل الهدايا، فهل أقبل الهدايا وأنا في المسرح أو السينما ومش هقبلها على اللايف؟ لا هقبلها، أنا حرة ومحدش له حاجة عندي.

اقرأ أيضًا.. 

شهيرة عن مسلسل 55 مشكلة حب لنجلها عمرو محمود ياسين: نجاحه مش نجاح عادي 

شهيرة: اللي بيحصل في فلسطين شئ يوجع القلب.. لازم كل الدول تتكلم 

وتابعت مها أحمد، خلاصة الموضوع إحنا داخلين على التيك توك عشان نشتغل، أنا واحدة ماضية عقد مع تيك توك وتبع إدارة التيك توك، أنا موظفة وبشتغل ولازم أشوف شغلي وأكل عيشي وبفكر الناس بيا والـ CV بتاعي وإني فنانة وموجودة حتى لو ماليش أعمال دلوقتي.

ووجهت مها أحمد رسالة لأحدهم: الواحد هيرجع وأقول ربنا يشفي كل مبتلى أو مريض، قلة الدعم بتجيب حالة مش طبيعية وكلنا بنكتئب، فيه واحد بيعبر عن حاله ويطلع لايف ويبقى تريند، يعني فيه واحد ما من ضمن الناس المدمنة طلب مني نتخانق مع بعض عشان يطلع تريند، رغم إنه عمل حاجة وطلع بيها تريند وكسب تعاطف الناس، قولتله عيب مش للدرجة دي، أنا مش من الناس اللي ممكن تطلع تريند عشان خناقة مع حد أنا تريند لوحدي.