مها أحمد: احنا بنطلع على تيك توك وبقبل الهدايا عشان مفيش شغل

كشفت الفنانة المصرية مها أحمد عن سبب ظهورها على تيك توك، وذلك خلال بث مباشر عبر حسابها على تيك توك.

تحيا مصر

سبب ظهور مها أحمد بتطبيق تيك توك

وقالت مها أحمد: إحنا بنطلع عشان مبنشتغلش، في الوسط مبنشتغلش ولقينا مجال زي السوشيال ميديا، ولو أنا مثلًا بعمل مسرح ولو فيه عائلة سعودية أو كويتية بيجيبولي هدايا، وعندي أصدقاء يمنيين بيجبولي فضة وبقبل الهدايا، فهل أقبل الهدايا وأنا في المسرح أو السينما ومش هقبلها على اللايف؟ لا هقبلها، أنا حرة ومحدش له حاجة عندي. 

وتابعت مها أحمد، خلاصة الموضوع إحنا داخلين على التيك توك عشان نشتغل، أنا واحدة ماضية عقد مع تيك توك وتبع إدارة التيك توك، أنا موظفة وبشتغل ولازم أشوف شغلي وأكل عيشي وبفكر الناس بيا والـ CV بتاعي وإني فنانة وموجودة حتى لو ماليش أعمال دلوقتي.

مها أحمد توجه رسالة لمجهول

ووجهت مها أحمد رسالة لأحدهم: الواحد هيرجع وأقول ربنا يشفي كل مبتلى أو مريض، قلة الدعم بتجيب حالة مش طبيعية وكلنا بنكتئب، فيه واحد بيعبر عن حاله ويطلع لايف ويبقى تريند، يعني فيه واحد ما من ضمن الناس المدمنة طلب مني نتخانق مع بعض عشان يطلع تريند، رغم إنه عمل حاجة وطلع بيها تريند وكسب تعاطف الناس، قولتله عيب مش للدرجة دي، أنا مش من الناس اللي ممكن تطلع تريند عشان خناقة مع حد أنا تريند لوحدي.

اقرأ أيضًا.. 

إليسا: شغلنا هنكمله لأن ده رزقنا لكن صعب أنزل ألبومي الجديد احتراما لأهالينا في غزة

إليسا تكشف عن ندمها لإعطاء توزيع ألبومها الجديدة لشركة أخرى غير روتانا

واستطردت مها أحمد، كل حد بيستخدمني عشان يطلع تريند هو حر، وإنك تقعد في اللايف والناس تشتمك بس تخلي الواحد حالته النفسية مش كويسة ويتصاب بالهلع والرغي واللت والعجن وشتايم الناس وإني أسخر الأدمن اللي عندي يسجلوا كل اللايفات، ليه يعني؟

أزمة مها أحمد مع أحمد السقا وأمير كرارة 

على الصعيد الآخر، افتعلت مها أحمد أزمة مع أحمد السقا وأمير كرارة، حيث قالت عبر حسابها بموقع التواصل الاجتماعي فيس بوك: عوضي على الله.. دي الجملة اللي دايما بقولها لما اتصدم في أشخاص، الحكاية يا سادة نجمين عملوا مسلسل واتنجمت عليهم بنوتة لسه ألف باء تمثيل، واديتهم على.. إلى أن أصبحت بطلة المسلسل وبطلة الدعاية للمسلسل، وهما راضيين رغم إن طول عمرهم مابيعملوش كده مع أي زميلة لهم أقربها أنا".