بعد تنازل جوري بكر عن محضر سرقة حقيبة الربع مليون جنية.. تعرف على محتوياتها

وقعت الفنانة المصرية جوري بكر في موقف عسير، بعدما سُرقت حقيبتها أثناء ذهابها بإحدى شركات النقل.

تحيا مصر

تعرض جوري بكر للسرقة

وتشتمل حقيبة جوري بكر على محتويات تقدر بربع مليون جنية، حيث كانت تتضمن مشغولات ذهبية وأحجار كريمة وملابس ومكواة غالية الثمن.

جوري بكر تثير الجدل بشأن الساحل الشمالي 

من جانبه، أثارت جوري بكر جدل بحديثها عن الساحل الشمالي، حيق كتبت جوري بكر عبر خاصية استوري على حسابها بموقع تبادل الصور والفيديوهات القصيرة إنستجرام: الموضوع كبر وكويس اني فتحت عين الناس على حاجات كتير بتحصل كان بالنسبالي الموضوع مش هزار على فكرة انا كنت بتكلم بجد انا برضو انسانة طبيعية زي زي اي حد بتعب انا وجوزي ومتغربين عشان نعيش عيشة كريمة لينا وبنتعب عشان نجيب فلوس.

تصريحات جوري بكر 

وتابعت، والناس اللي مفكرة أننا بناخد ملايين أنا بدفع براحتي لكن ليه أحس اني بتسرق واللي بتنتقدني وبتقول آيه يا فنانة ما تدفعي ولو معكيش متروحيش لا مش هدفع انا ازازه مياة بالسعر ده ولا ساندويتش برجر 375 ولا قهوة ولا ولا.

وأضافت، وكمان على فكرة دي مش مياه بس ده اكل وشرب وليس ارحمو من في الارض يرحمكو من في السماء، فين حماية المستهلك في اسعار بعض الاماكن الي في الساحل الناس نفسها تنبسط  في ناس تانية عايشة على قفى ناس تانية والهبل كتير.

اقرأ أيضًا.. 

خاص| أول تعليق من محمد سلام على هجوم بيومي فؤاد عليه 

مسلسلات رمضان 2024.. هل تنضم عفاف مصطفى للسباق الرمضاني؟ 

هذا وقالت جوري بكر، أنا بكره الساحل أو الأصح اللي بيحصل في الساحل، وأنا متضايقة من اللي بيحصل في الساحل، ولولا أن جوزي بيحب يروح هناك مكنتش جيت.

وأردفت جوري بكر، لأن فيه قلة أدب بتحصل، وفيه ناس قليلة الأدب، وفيه قلة أدب في الأسعار، وفيه ناس ممكن تقولي ايه اللي وداكي، بس أنا مضطرة، وأنا الحمد لله راضية بس ايه الأسعار دي.

واستكملت حديثها قائلة: أنا أي مكان هدخله مش هيعجبني أسعاره هفضحه على السوشيال ميديا، لأن أنتو حرفيا بتسرقوا الناس، عشان يومين تلاتة جايين ينبسطوا فيهم ف يالا تعالى استغلك واطلع كل الفلوس اللي في جيبك، يعني ايه عيل صغير يروح يجيب ازازة مية بـ 200 ج، هي مية من الجنة.