منى عبد الغني ترفض الهدايا و تتبرع بالمال الخاص بعيد ميلادها لصالح أهالي غزة

تضامنت الإعلامية منى عبد الغني مع الشعب الفلسطيني من خلال رفضها قبول هدايا عيد ميلادها والتبرع بالمال الخاص به لصالح أهالي غزة، حيث كشفت عن هذا الأمر من خلال برنامج الستات ما يعرفوش يكدبوا المذاع عبر قناة Cbc الفضائية.

تحيا مصر

تعليق منى عبد الغني على الأوضاع في غزة

وكانت علقت منى عبد الغني على الأحداث في غزة قائلة: أنا النهاردة عندي رسالة مش بتوصف حالي بس لكن رسالتي بتعبر عن ناس بنشوفها بقالنا كذا يوم بتتألم، بأي ذنب طفل عنده شهور يتكفن بالكفن وأطفال مجروحة جروح إحنا منقدرش نستحملها.

منى عبد الغني تستنكر أفعال جيش الاحتلال ضد غزة

وتابعت، بنشوف فيديوهات لأمهات بتودع أطفالها بكل ثبات ويقين وهي صابرة ومنقدرش نقول غير حسبي الله ونعم الوكيل، وبشوف صور الأطفال دي وبتخيل أحفادي.. وبقعد اتخيل لو مكان الأم دي هما بجد أقوى مننا. 

تصريحات منى عبد الغني 

واستطردت، الشعب ده قوي ومؤمن وده تصديقا لقول الله وإحنا بنموت مع كل صورة من دول وكل فيديو بشوفه ببقى عايزة أخد الأطفال دي في حضني واطبطب عليهم.. طفل رضيع المفروض ميكنش بيعمل حاجة في حياته غير أنه بيلعب الطفل ده كل ذنبه أنه اتولد في دولة محتلة معندهاش لا رحمة ولا دين.

اقرأ أيضًا.. 

إليسا تكشف عن ندمها لإعطاء توزيع ألبومها الجديدة لشركة أخرى غير روتانا

إليسا: شغلنا هنكمله لأن ده رزقنا لكن صعب أنزل ألبومي الجديد احتراما لأهالينا في غزة 

وأردفت، خلينا نحاول نعيش ومنيأسش من رحمة ربنا وأكيد ربنا ليه حكمة في كده - إشارة إلى ما يحدث في غزة- وكل السيناريو ده مذكور في القرآن، أحداث بتخلي الواحد قلبه يتوجع كل ده هيخلص وهننتصر بإذن الله.

واختتمت منى عبد الغني حديثها قائلة، من حقكم تعيشوا حياتكم بس لازم نراعي مشاعر الناس اللي عايشين في صمت وبيتألموا وبيموتوا كل يوم والتاني.. وخلينا نفرح ونعمل أفراح وأعياد ميلاد بس من غير هيصه ومن غير ما نجرح ونراعي أخواتنا اللي بتموت طول الوقت، لأن إحنا اتعلمنا من زمان لما يبقى في عزاء عند جارنا مينفعش نعمل فرح، ربنا يردلنا فلسطين والمسجد الأقصى ردًا جميلًا وإحنا معاكم بقلوبكم.