خاص| والدة صديق شريف شاكر: مكنش عايز يموت عشان أولاده.. شاب لا يعوض

يتقبل أسرة الفنان الشاب شريف شاكر وجاب العزاء منذ قليل، في مسجد الشركة في القاهرة الجديدة، حيث أنه توفي يوم الجمعة بعد صراعه مع مرض السرطان، وسط بكاء وانهيار من أسرته.

تحيا مصر

والدة صديق شريف شاكر: كان خلوق ومتربي وبطل

تحدثت والدة صديق شريف شاكر عن علاقتها به في تصريحات خاصة لـ تحيا مصر، قائلة: "كان خلوق ومتربي وعمره ما عمل حاجة زي الشباب اللي بتعملها ولا شرب، وكان بيصلي هو إنسان متربي بأقصى درجة هو بطل ربنا يقويهم على اللي هما فيه".

وتابعت والدة صديق شريف شاكر قائلة: "كان بيقولي أنتي أمي التانية لأن أنا والدة صاحبه محمد، متربي معايا من أولى ثانوي شال أبويا وشايلني، وهو إنسان لا يعوض بقالي معه أكتر من 20 سنة ربنا يرحمه ويغفر له".

وعن أكتر المواقف التي تتذكرها مع شريف شاكر، قالت: "لما ابويا مات ولما أنا تعبت وشالني من المطار لحد بيتي شالني على كتفه، وفي حاجات كتيرة متتعدش شريف أكتر من ابني".

والدة صديق شريف شاكر: شاب لا يعوض

وعن أخر مكالمة بينهما قالت: "بقالي أكتر من 10 أيام ماشوفتوش وقالي وحشتيني واتأخرتي عليا، وفعلًا أنا اتأخرت عليه الله يرحمه كان بينتظر لقاءنا كلنا، دخلت عليه سألني على ابني محمد وهو كان وقتها في العناية، مابيسبش حاجة وواخد باله من كل حاجة والله العظيم شريف شاب لا يعوض".

واختتمت والدة صديق شريف شاكر قائلة: "قال أنا مش عايز أموت أنا هعيش عشان ولادي وكان أكتر من صبور، كنا جانبه وبنتألم وهو بيتألم أكتر مننا بمراحل، وفي آخر زيارة ليه أنا ووالدته مرضاش يتألم قدامنا ".

وفاة شريف شاكر

والجدير بالذكر، أن الفنان شريف شاكر قد رحل عن عالمنا ويوم الجمعة الماضي بعد صراع دام طويلًا مع مرض السرطان، حيث أعلن عن خبر وفاته المطرب علي الألفي عبر حسابه الرسمي بموقع التواصل الاجتماعي الفيس بوك: "إنا لله وإنا إليه راجعون شريف دلوقتي تعافى .. راح لرب العالمين الرحمن الرحيم.. راح عشان ينول جزاء صبره واحتماله للمرض الشرس وجزاء مساعدته للناس ودعمهم بكلامه وحكايته .. شريف ما بقاش مريض ولا محارب سرطان تاني .. مع السلامة يا صاحبي يا جميل".