عمرو محمود ياسين: حكايات 55 مشكلة حب مش مقتبسة من كتاب دكتور مصطفى محمود

كشف السيناريست عمرو محمود ياسين عن حقيقة اقتباس حكايات 55 مشكلة حب من كتاب دكتور مصطفى محمود الذي يحمل نفس الاسم، وذلك بعد تألقه بمسلسل 55 مشكلة حب مؤخرًا.

تحيا مصر

مسلسل 55 مشكلة حب 

وقال عمرو محمود ياسين في تصريح خاص لموقع تحيا مصر عن حكايات 55 مشكلة حب الذي استلهمها من كتاب مصطفى محمود: حكايات مسلسل 55 مشكلة حب مش من كتاب دكتور مصطفى محمود، أنا خدت بس مجرد معاني من الكتاب وخلقتلها قصص لكن مش مقتبسة منه.. كان استلهام.

تصريحات عمرو محمود ياسين مع لينا الطهطاوي

هذا وقال السيناريست عمرو محمود ياسين في مداخلة هاتفية له مع الإعلامية لينا الطهطاوي في برنامج "كلالكيت" المذاع على نجوم أف أم: "الدراما دايما بتفرض نفسها كشخصيات وأحداث وفي ال3 حكايات كنا بناقش قضايا مختلفة ففي الحكاية الأولى ناقشنا معاناة مرضى الزهايمر وصلة الرحم ودة بيفرض عليك مود معين وطبيعة شخصيات معينة اللي بتلجألها في النوع دة من الحكايات وهنا روحنا للعمة فمابالك بقى بالأم، وانا في نصيبي وقسمتك كان عندي حكاية 604 كنا بنتكلم عن التوبة والعودة لله وروحت لنموذج ممكن يكون بعيد أوي وهو واحدة بتمتهن الدعارة علشان اقول أن حتى دي عندها فرصة للتوبة فانا بحب اروح لحتة ابعد من المعتاد فكان أفضل في حكاية "الفريدو" نروح للعمة فدة بيخليه أكثر عمومية"

وتابع السيناريست عمرو محمود  ياسين: "وانا عبر مشوار نصيبي وقسمتك متعود على التنوع وكنت مقدم أكتر من 50 قصة فمتعود على أن كل كام حلقة فكرة مختلفة والمتعة هنا أنك تخلي المشاهد يشوف أن كل حكاية هي مسلسل جديد، وفي حكاية "ما تيجي نشوف" بنتكلم عن فكرة الشك وأن في زوايا مختلفة واحنا محتاجين دة دلوقتي"

عمرو محمود ياسين يتحدث عن حكايات 55 مشكلة حب 

وأضاف عمرو محمود ياسين عن حكايات 55 مشكلة حب: "وفي "عيشها بفرحة" أنا كنت عايز اتكلم عن قطاع كبير من مجتمعنا بيعاني من الإعاقة وممكن الضوء من مسلط عليه بشكل كافي فمحتاجين نقول أنهم زيهم زي أي حد وأن الإعاقة مش فيهم هما بل في المجتمع اللي مش موفر ليهم السبل اللي تخليهم يبانوا طبيعيين ونقول أنهم قادرين على صنع اشياء قيمة ومهمة ونشجعهم ونقولهم أن الحياة لم تنتهي عند الإعاقة"

واستطرد عمرو محمود ياسين حديثه عن حكايات 55 مشكلة حب : في مسلسل 55 مشكلة حب لأول مرة اشتغل مع ورشة كتابة ودة كان بسبب اني بدي كورس للسيناريو وحبيت من خلال المسلسل دة أقدم كتاب جداد وبما أنهم تلامذتي فعقلياتنا متقاربة فكان سهل الشغل معاهم وانا متعود على العمل تحت ضغط والكتابة بسرعة واحنا كنا بنشتغل على الهوا لكن قدرنا الحمدالله نقدمه بشكل جيد جدا.

اقرأ أيضًا.. 

عمرو محمود ياسين: الفن لو للتسلية فقط محبش اشتغله

عمرو محمود ياسين: بشفق على الممثليين لأنهم أوقات بيلجوا لمهنة تانية جمب التمثيل 

واستكمل عمرو محمود ياسين حديثه قائلًا عن مسلسل 55 مشكلة حب: أكتر حكاية قريبة لقلبي هي عيشها بفرحة علشان هي عن قطاع من المجتمع مش واخد مساحة من الاهتمام والدولة مهتمة بس ناقص نشوف اهتمام مجتمعي فكنت حابب اتعرض للنموذج دة من مجتمعنا والقصة دي أضافت على المشروع بشكل مفاجئ فاحنا كنا بنكتب وبنصور في وقت قليل اوي"