هتوحشيني يا أمي.. تأثر سلوى محمد علي أثناء تشييع جثمان والدتها

ظهرت الفنانة سلوى محمد علي متأثرة خلال تشييع جنازة والدتها ظهر اليوم الأربعاء الموافق 8 نوفمبر الجاري من مسجد النور في العباسية، مرددة:  «هتوحشيني يا أمي».

تحيا مصر

سلوى محمد علي تبحث عن وظيفة غير التمثيل

على الصعيد الآخر، كتبت الفنانة سلوى محمد علي عبر حسابها الرسمي بموقع تبادل الصور والفيديوهات القصيرة إنستجرام: «أبحث عن وظيفة غير التمثيل، عشان الضرايب طالبة منى طلبات مش فاهماها، وتفاصيل ماعرفهاش، ووقت مش عندي».

وتابعت سلوى محمد علي: «في معظم الدول المتقدمة، الضرايب بترسل للممول اللى هو أنا، مطلوب منه كام مع كشف بداخله وهو يسدد، أنا هنا بأثبت دخلى بمشاوير وورق، ومؤخرا فاتورة إلكترونية، كل يوم أثبت فيها قبضت كام وصرفت كام، بطريقة معقدة».

تصريحات سلوى محمد علي 

وكانت قالت سلوى محمد علي: الجمهور يعاني من غضب مكبوت بسبب الظروف الاجتماعية وبيطلعه على الفنانين عبر مواقع التواصل الاجتماعي، زي ما حصل مع تامر حبيب واتهاجم بشكل كبير منذ فترة والناس اتهمته بـ ميول غريبة.

واستطردت سلوى محمد علي: كلمة ميول دي كلمة غريبة لأن الناس عرفت ميول تامر منين؟ لازم تتجوزه الأول وتعرف، وكمان منة شلبي تعرضت لهجوم غير مبرر وتشهير بسبب مستحضر تجميل ملهاش ذنب فيه.

واستكملت: أنا بعذر الجمهور لأنه شايفنا بنلمع وبنلبس فساتين في المهرجانات الفنية، ولكن حتى الفساتين بنستلفها مش بنشتريها، والممثل مضطر يشتغل 36 ساعة متواصلة عشان يقدر يصرف على نفسه وياكل، والناس بقت تشتمنا دون سبب وبيعاروني إني اتولدت في حارة مع إني فخورة إني طلعت من حارة شعبية وغنية بالناس اللي فيها.

سبب تفكير سلوى محمد علي في اعتزال الفن

وعن اعتزالها الفن، قالت سلوى محمد علي: أنا بفكر في الاعتزال بسبب طريقة تحصيل الضرائب؛ لأنها طريقة تعجيزية وكلها تكنولوجيا، ليه مندفعش الضرائب لـ شركة الإنتاج بدل من تحصيلها منا بشكل مباشر؟ أنا كان نفسي جنازتي تطلع من المسرح وأموت وأنا بمثل ولكن ده كان زمان ومش كل اللي نفسنا فيه بيتحقق.

اقرأ أيضًا.. 

خاص.. عفاف مصطفى تبدأ تصوير مشاهدها في مسلسل حدوته منسية 

خاص| أول تعليق من محمد سلام على هجوم بيومي فؤاد عليه

وواصلت سلوى محمد علي: دلوقتي لو معايا فلوس مش هشتغل، ولكن أنا مضطرة أشتغل في السن ده عشان أملى الثلاجة، وأجورنا نزلت كـ ممثلين مع إننا بنشتغل 36 ساعة متواصلة ومش مليونيرات ولكن دي الصورة الظاهرة للجمهور لأننا بنلمع وبنلبس فساتين وأنا بعذرهم لأن الجمهور عنده ظروف وهناك حالة من الغضب العامة مع أنهم بيحبونا.