عمرو محمود ياسين: السيناريو سبب نجاح أي عمل

أكد السيناريست عمرو محمود ياسين على أن السيناريو هو مفتاح الأداء الجيد للمثل والسبب الأول والأساسي وراء نجاح أي عمل، وبدونه لا يوجد عمل درامي أو سينمائي من الأساس.

تحيا مصر

عمرو محمود ياسين يربط نجاح العمل بالسيناريو الجيد

وقال عمرو محمود ياسين في تصريح خاص لموقع تحيا مصر: أي فنان هيتحط في ظروف أن في نص مكتوب بشكل جيد وشخصية واضحة المعالم شخصية فيها فعل ورد فعل ومخرج قادر يوظف الممثل ويديره بشكل جيد لو اتوجدت الحاجتين دول هتلاقي الممثل حالته أفضل.

وتابع عمرو محمود ياسين: السيناريو هو مفتاح الأداء الجيد للمثل والسيناريو هو السبب لنجاح أي عمل في الدنيا مهما كان مين الممثلين ومين المخرج.

تصريحات عمرو محمود ياسين 

وأضاف عمرو محمود ياسين: لو مفيش نص مكتوب بشكل جيد فأعظم مخرج مش هيقدر يعمل أي أي حاجة.. فلو مفيش سيناريو جيد مفيش عمل كويس زي بالظبط المعلب لو جبتي أحسن لاعيبة وأحسن مدرب وحكم بس مفيش كورة.

عمرو محمود ياسين يرد على اتهامات برنسة عبد الغني 

على الصعيد الآخر، رد السيناريست عمرو محمود ياسين، على اتهامات الفنانة برنسة عبد الغني له بأنه أضاع مسلسلا سلمته له يحكي عن مشوار حياتها الفنية.

وكتب عمرو محمود ياسين، عبر حسابه الرسمي بموقع التواصل الاجتماعي فيسبوك : يا أستاذة برنسة تحياتي ليكي أولا، ثانيًا حضرتك كنتي قابلتيني وإحنا بنصور مسلسل ونحب تاني ليه، على ما أتذكر ولاقيتك من تلقاء نفسك جايبالي ملخص، وقولتي لي اقراه عشان عايزة إني أعمله مسلسل وقتها كنا لسه بنصور وما قدرتش أقراه وقتها.

اقرأ أيضًا.. 

محمد صبحي ينعي وفاة ليلى صديق طليقة مدحت صالح: إنسانة رائعة

ماجدة خير الله عن فيديو بيومي فؤاد: موقف مهين.. عليه العوض في الفن المصري 

وأضاف عمرو محمود ياسين: قريته بعد كده لما اتصلتي بيا فكرتيني به بعد فترة طويلة، وقتها أنا قريته وللأسف مالقتش فكرة مناسبة له.. وحضرتك ماكلمتينيش تاني وأنا ماتصلتش برضه، وده تقصير مني بعتذر عنه، لكن مش عارف جبتي منين حكاية إني أنا ضيعته ؟؟ مش عارف جبتي الفكرة دي منين؟؟.

واختتم عمرو محمود ياسين حديثه قائلًا: الملخص بتاعك في الحفظ والصون زي ما هو وتقدري تاخديه وقت ما تحبي وربنا يكرمك.