بعد أزمة بيومي فؤاد ومحمد سلام.. مصطفى بسيط كل ده عشان إيه؟

علق الفنان مصطفى بسيط على هجوم الجيمع على الفنانين خلال الفترة الأخيرة سواء بسبب تصريحاتهم أو مواقفهم من بعض القضايا المثارة حاليًا، وجاء ذلك بعد الهجوم الذي شن ضد الفنان بيومي فؤاد ومحمد سلام بسبب مواقفهما من المكشاركة في موسم الرياض وتقديم مسرحية زواج اصطناعي، ومع الوضع الراهن في غزة من حرب ضارية على يد الاحتلال الإسرائيلي.

تحيا مصر

مصطفى بسيط: بتشارك في تقطيع بني آدمين بيدافعوا عن نفس القضية

استنكر مصطفى بسيط الهجوم ضد الفنانين، وقال من خلال حسابه الرسمي بموقع تبادل الصور والفيديوهات الإنستجرام: "الفتنة.. خلاص كل الناس شيرت اللي مع واللي ضد.. وكله كتب بوست وشير واتبسط.. خلاص خلصنا مزايدات على بعض وخونا وكدبنا بعض؟.. افهم أنك بتشارك في تقطيع بني آدمين زيك زيهم وكلهم بيدافعوا عن نفس القضية.. طب كل ده عشان إيه؟ التريند والسوشيال ميديا.. اللي بقيت بتحركنا كلنا لدرجة أننا بنشير اللي لينا فيه واللي مالناش برضو فيه.. وقررنا فجأة أننا نستبيح الناس وأعراضها وعائلتها.. كل ده عشان يا اللقطة يا الريتش".

وتابع مصطفى بسيط قائلًا: "بقى كل حد من حقه أنه ينتقد ويشتم في الناس طالما مفيش حد هيحاسبه.. بس خليك فاكر أن مفيش حد هحاسبك على كلامك وفتنتك دي هنا في السوشيال ميديا.. لكن لما يتوفانا الله ويموم الحق أعرف كويس أن أي بوست أو كومنت أو هجوم على شخص أنت متعرفش عنه حاجة ربنا هيجيب له حقه منك ومن غيرك ربنا العدل.. لأنه قال: ما يلفظ من قول إلا لديه رقيت عتيد {ق:13}.. فخليك فاهم كويس أن كل لفظ وكلمة هتطلع منك بتتكتب وهتتحاسب عليها.. ملحوظة أنا لا مع ولا ضد مش لازم كل حاجة يكون ليا فيها رأي.. ربنا يهدينا جميعًأ ويصبر أهالينا في فلسطين".

ماجدة خير الله تعلق على أزمة بيومي فؤاد ومحمد سلام

ومن جانبه علقت الناقدة الفنية ماجدة خير الله على أزمة بييومي فؤاد ومحمد سلام، من خلال منشور لها عبر حسابها الرسمية بموقع التواصل الاجتماعي الفيس بوك، وقالت: "الفنانين اللي كانوا مصفوفين خلف بيومي، رأيهم إيه في اللي عمله واللي قاله؟ لو حد منهم له موقف محترم ومختلف ليه مايطلعش ويقول أن بيومي فؤاد لايمثلني، أما إذا كان كلهم موافقين على هذا الموقف المهين، يبقي عليه العوض في الفن المصري".

اقرأ أيضًا: بلغة الإشارة.. الفنانة ملك زاهر تدعم القضية الفلسطينية

اقرأ أيضًا: أنجلينا جولي بين تضامن العالم وهجوم والدها.. والسبب إدانتها لإسرائيل

أزمة بيومي فؤاد ومحمد سلام

والجدير بالذكر، أن أزمة بيومي فؤاد ومحمد سلام قد اشتعلت نيرانها بعدما أدلى بيومي فؤاد بتصريحات يهاجم فيها محمد سلام، حيث قال في عرض تقديم مسرحية زواج اصطناعي بموسم الرياضلـ محمد سلام: "من حقك إنك تعتذر عن المسرحية لكن مش من حقك إنك تغلط في فنك، إحنا مبنجيش علشان نضحك حضراتكم، إحنا بنقدم فننا المصري وأنتوا بتحترمونا وإحنا بنحترمكم جدًا، شيء عظيم إن الفنان يبقى له جمهور في كل الدول، شيء عظيم إني أخرج أتصور مع شاب سعودي أو سيدة سعودية وهي تعلم إن أنا مصري أنا بشرف بلدي، أنا فنان مصري وليا الشرف".