كيف دعمت الفنانة نشوى مصطفى الدولة في أزمة انقطاع الكهرباء وارتفاع أسعار البنزين؟

تصدرت الفنانة نشوى مصطفى حديث السوشيال ميديا وعناوين الأخبار، بعد حديثها عن أزمة ارتفاع أسعار البنزين وانقطاع الكهرباء التي تشهدها مصر في الفترة الأخيرة.

تحيا مصر

نشوى مصطفى تساند مصر 

وحرصت نشوى مصطفى على دعم الدولة في أزمة ارتفاع أسعار البنزين وانقطاع الكهرباء من خلال تصريحاتها في برنامج بنت البلد حيث قالت: البنزين زاد لما العدو منع عنك تصدير الطاقة علشان يذلك ويكسرك ويهينك كمصري، المفروض أنت تقوله مش عاوز.. إيه يعني الكهرباء تقطع ساعتين تلاتة في اليوم، لأ اقطع 12 ساعة في اليوم بس أنا فوق العدو مش هيكسرني ومش هيذلني.

تصريحات نشوى مصطفى عن ارتفاع أسعار البنزين وانقطاع الكهرباء 

وتابعت: الناس اللي بيقولوا الكهربا قاطعة بدال الساعة ساعتين، حتى لو قطعت 24 ساعة بس تبقى في بيتك متأمن مفيش عدو بره واقف ممكن يدخل يغتصب بنتك ومراتك ووالدتك، فالحمد لله نستحمل إحنا صحاب البلد دي ويا رب أحميها وأحرسها.

وكتبت نشوى مصطفى، عبر حسابها الرسمي بموقع التواصل الاجتماعي فيسبوك: وتاني هاقول بصوت عالي، لا بخاف ولا بتهت، هيحاولوا يسكتوا أي صوت يقول أنا هاتحمل بلدي وقت الشدة، ونعدي الوقت الصعب وبعدين نتحاسب.

وأضافت نشوى مصطفى: هيتهموني بالجهل، وهايعايروني إني كومبارس، وهيشتموني بأحط الشتايم، ولا هاتهز، أنا مصرية مش بس كده دا أنا شبراوية، يعني متربية في حواري مصر الأصلية، وتحيا مصر غصب عنكم، وهافضل أقول: أتحمل الجوع وما اتحملش الذل.

واستكملت نشوى مصطفى حديثها قائلة: اللي مش شايف إننا بنتحارب هو حر، مكنتش فاكرة إني مأثرة ومعلمة أوي كده، تحيا مصر 3 مرات.

اقرأ أيضًا..

ليلى علوي: مستعدة لتقديم عمل فني عن القضية الفلسطينية بدون أجر 

 بالأرقام.. ثروة نجوم مسلسل Friends .. جينفر أنيستون الأغني  

من ناحية أخرى، قالت نشوى مصطفى: أنا 57 سنة مريت بظروف صعبة ماديًا واقتصاديًا، والدي سواق ومرتبه قليل، لكن والدتي عمري ماشوفتها متذمرة أو بتشتكي من قلة المرتب، على قد مصروف أبويا كانت أمي ممشيه الدنيا، والدتي كمان كانت بتفصلنا اللبس، وممكن الناس تستغرب بس كان فيه أيام صعبة.

نشوى مصطفى تكشف عن ماضيها

وتابعت: وأنا صغيرة والدي كان بيصحى قبل الشغل الساعة 5 ويقف في طابور حاجه شبه جمعية علشان ناخد كيلو لحمة في الشهر وكانت بـ 68 جنيه في الشهر، لكن اتعلمت إني أكون شبعانة ومهما كانت ماهية أبويا صغيرة، كان عندي القدرة أقف في طابور كلية تجارة عين شمس علشان أخد الكتب مجانًا أو نصف الثمن، وكمان مش عيب إننا مناكلش لحمة غير مرة في الأسبوع.