حمادة إسماعيل ردًا على تصريحات كاملة أبو ذكري: هي السعودية أصبحت إسرائيل؟

بعد الهجوم على بيومي فؤاد، علق حمادة إسماعيل الرئيس التنفيذي لشركة تتعامل مع هيئة الترفيه و موسم الرياض من خلال مداخلة هاتفية في برنامج الحكاية والذي يقدمه الإعلامي عمرو أديب عبر شاشة قناة MBC مصر، على تصريحات كاملة أبو ذكري التي أثارت بها الجدل والتي هاجمت فيها بيومي فؤاد بسبب  تصريحاته في عرض مسرحية زواج اصطناعي والتي هاجم فيها محمد سلام بعد إعلانه انسحابه من المسرحية و موسم الرياض.

تحيا مصر  

حمادة إسماعيل يعلق على أزمة بيومي فؤاد

واستنكر حمادة إسماعيل تعليقات بعض النجوم على استمرار عمل الفنان من بينهم كاملة أبو ذكري، وخاصةً الهجوم على بيومي فؤاد بعد هجومه على محمد سلام، وقال من خلال مداخلة هاتفية في برنامج الحكاية: "الموضوع أصبح ماسخ الفنان بيتقدم له الدعوة من أول ما بيطلع من بيته لحد ما بيوصل المملكة هنا وبيعمل الحفلة بيطلع على أحسن مسرح مع أحسن ديكور وأحسن جمهور والناس بتحترمنا جدًا بمعاملة يستحقها الفنان المصري، وبعد ما بيخلص شغله بيتكرم في أي جهة في أي مكان بيتوجه له الدعوة أول واحد، أي حاجة بتحصل في المملكة بتتفاجئ أن كل المصريين هنا باستقبال غير طبيعي ودي شهادة كل الفنانين".

وتابع حمادة إسماعيل قائلًا عن الهجوم على بيومي فؤاد: "ما يحدث بجد ده إرهاب وتخويف للفنان، بتخوفوه ليه إيه الغلط اللي بيعمله الفنان بيقدم شغله بيجي المملكة هنا الناس بيكرمونا وبيدونا فرصة شغل، لكن نتفاجئ النهاردة أن الناس بيهينوا الفنان طيب ليه؟ قال إيه غلط، يعني النهاردة لو في فنان مش عايز يطلع ويقدم شغله في أي فترة هو حر مفيش أي مشكلة، مفيش حد  النهاردة يقدر يقعد في البيت بسبب الحالة الإقتصادية لكل العالم، والفنانين واخدين قرار يكملوا شغلهم وعلى أعلى مستوى لأن إحنا بنقدم فن، لما الفنان بيطلع يتكرم برا هو بيمثل بلده، أنتوا هتخوفونا من إيه الناس هنا قدمت لنا كل ما هو متاح عشان تطلع الفنان على أعلى مستوى".

حمادة إسماعيل لـ كاملة أبو ذكري:  هي السعودية أصبحت إسرائيل؟

ومن جانبه، علق حمادة إسماعيل على انتقادات كاملة أبو ذكري لـ بيومي فؤاد، وقال: "في أخت مخرجة طلعت بتقول كلام مهين لبيومي، إيه الفكرة بتولعوا الدنيا ليه إيه الغلط، مش هنخاف اللي بيتقدمنا هنا في السعودية فن، يا جماعة في إيه غلط هي السعودية أصبحت النهاردة إسرائيل؟ السعودية طول عمرها داعمة لمصر، ومصر طول عمرها بتقدم فنها في كل الدول العربية".

اقرأ أيضًا: وفاة ليلى صديق طليقة الفنان مدحت صالح

اقرأ أيضًا: وليد فواز: قررت أضحي بجسمي وازود وزني عشان دوري في صوت وصورة

تصريحات كاملة أبو ذكري

والجدير بالذكر أن كاملة أبو ذكري هاجمت بيومي فؤاد عبر حسابها الرسمي بموقع تبادل الصور والفيديوهات الإنستجرام بسبب هجوم على محمد سلام، وقالت كاملة أبو ذكري: "الأستاذ الفنان اللي كنت واحدة من محبيه.. لو حضرتك فاكر إنك لما تعمل عمل اتحضر واتكتب واتنفذ في 3 أيام.. وتروح تعرضه وترقص وتغني وتضحك وبعد كده تأخد آلاف الدولارات.. لو ده بتسميه فن فأنا لا يشرفني إني أكون زميلة لك في هذه المهنة، لما تكون بتعرض التفاهات دي.. ده لا يشرف الفن المصري، ولما تعرض التفاهة دي وجارك بيدبحوا أطفاله ونساءه ورجاله وتقولي الفن.. يبقي ماعنديش كلام أقدر أقوله غير إن.. الإحساس والفن نعمة أنتم آخر ناس تتكلموا عنها".