نشوى مصطفى ترد على منتقدي تصريحاتها بشأن انقطاع الكهرباء وارتفاع أسعار البنزين

خرجت الفنانة المصرية نشوى مصطفى، للرد على منتقدي آراءها بشأن ارتفاع أسعار البنزين وقطع الكهرباء والتي فجرتها خلال برنامجها الذي يحمل اسم بنت البلد.

تحيا مصر

رد نشوى مصطفى على منتقدي تصريحاتها 

وكتبت نشوى مصطفى، عبر حسابها الرسمي بموقع التواصل الاجتماعي فيسبوك: وتاني هاقول بصوت عالي، لا بخاف ولا بتهت، هيحاولوا يسكتوا أي صوت يقول أنا هاتحمل بلدي وقت الشدة، ونعدي الوقت الصعب وبعدين نتحاسب.

وتابعت نشوى مصطفى: هيتهموني بالجهل، وهايعايروني إني كومبارس، وهيشتموني بأحط الشتايم، ولا هاتهز، أنا مصرية مش بس كده دا أنا شبراوية، يعني متربية في حواري مصر الأصلية، وتحيا مصر غصب عنكم، وهافضل أقول: أتحمل الجوع وما اتحملش الذل.

وأضافت نشوى مصطفى: اللي مش شايف إننا بنتحارب هو حر، مكنتش فاكرة إني مأثرة ومعلمة أوي كده، تحيا مصر 3 مرات.

نشوى مصطفى تثير الجدل

وكانت أثارت نشوى مصطفى الجدل خلال برامجها بنت البلد على قناة Ten قائلة: البنزين زاد لما العدو منع عنك تصدير الطاقة علشان يذلك ويكسرك ويهينك كمصري، المفروض أنت تقوله مش عاوز.. إيه يعني الكهرباء تقطع ساعتين تلاتة في اليوم، لأ اقطع 12 ساعة في اليوم بس أنا فوق العدو مش هيكسرني ومش هيذلني.

وتابعت: "الناس اللي بيقولوا الكهربا قاطعة بدال الساعة ساعتين، حتى لو قطعت 24 ساعة بس تبقى في بيتك متأمن مفيش عدو بره واقف ممكن يدخل يغتصب بنتك ومراتك ووالدتك، فالحمد لله نستحمل إحنا صحاب البلد دي ويا رب أحميها وأحرسها".

معاناة نشوى مصطفى 

على الصعيد الآخر روت نشوى مصطفى المعاناة التي عاشتها قائلة: أنا 57 سنة مريت بظروف صعبة ماديًا واقتصاديًا، والدي سواق ومرتبه قليل، لكن والدتي عمري ماشوفتها متذمرة أو بتشتكي من قلة المرتب، على قد مصروف أبويا كانت أمي ممشيه الدنيا، والدتي كمان كانت بتفصلنا اللبس، وممكن الناس تستغرب بس كان فيه أيام صعبة.

وتابعت: وأنا صغيرة والدي كان بيصحى قبل الشغل الساعة 5 ويقف في طابور حاجه شبه جمعية علشان ناخد كيلو لحمة في الشهر وكانت بـ 68 جنيه في الشهر، لكن اتعلمت إني أكون شبعانة ومهما كانت ماهية أبويا صغيرة، كان عندي القدرة أقف في طابور كلية تجارة عين شمس علشان أخد الكتب مجانًا أو نصف الثمن، وكمان مش عيب إننا مناكلش لحمة غير مرة في الأسبوع.

فيما تحدثت عن زيادة حالات الانتحار قائلة: إن الله سيحاسبنا جميعًا على جميع حالات الانتحار من الشباب والشابات صغار السن، لأنه واجب على الأسرة الصغيرة المتمثلة في الأب والأم والأخوات والأهل والأصدقاء المقربين، والأسرة الكبيرة المتمثلة في المدرسة والنادي والمعارف وحتى الجيران، أن يراعوا هؤلاء الشباب نفسيًا.

اقرأ أيضًا..

خاص| كريم محمود عبد العزيز: تجربتي مع كريم عبد العزيز حلوة وأتمنى توصل للناس زي ما احنا حبنها 

 سمسم شهاب يستقبل عزاء زوجته متأثرًا وسط غياب نجوم الفن بإمبابة.. صور