علا غانم: ممكن اعمل دور أم فى عمل فنى بس بشرط

كشفت الفنانة علا غانم عن حقيقة خلافات نجمات فيلم أولاد حريم كريم، وذلك خلال لقاء لها ببرنامج الراديو بيضحك مع الإعلامية فاطمة مصطفى عبر محطة راديو 9090.

تحيا مصر

علا غانم: وبسمة كانت بتهدي الخلافات بينا في أولاد حريم كريم

وقالت علا غانم: الدنيا كانت هادية جدًا وخصوصا أننا لما نعرف بعض بقالنا سنوات الموضوع بيبقى شوية مختلف، فيه كيميا بيننا، وبنسترجع ذكريات 18 سنة، وبنشوف اد ايه كان فيه فرق في تفكرينا، وبردو كبرنا ودا مخلينا نتخطى حاجات صغيرة ممكن توقفنا.

وتابعت: وبقى عندنا استيعاب أكبر بكتير، وفي التصوير بنسى أن بشرى منتجة، وساعات كنا بنختلف في الآراء على الواتساب بعد ما العمل خلص، وبسمة دايما اللي بتهدي الجو.

طليق علا غانم: وزعت شربات لما تم الخلع.. واتضربت علقة سخنة من رجالة الفنانة

علا غانم عن زواج ابنتها الكبرى: حسيت أن فيه حاجة بتتاخد مني

علا غانم: ممكن اعمل دور أم بشرط

وفي الحلقة ذاتها، كشفت علا غانم عن موقفها من تقديم دور الأم في الأعمال الفنية، وقالت: بيفرق معايا اعمل دور أم لأولاد كبار، وزمان جدا جالي مسلسل كان المفروض أكون فيه أم لبنت، وللأسف ملعبتش الدور لأنها كانت كبيرة أوي، أنا معنديش تحفظات أني أعمل أم لكن عايزة اعمل أم اد بناتي، الجزء التاني من فيلم أولاد حريم كريم أحلى من الأول، لأن عندنا مواضيع أشمل وأقوى.

علا غانم مع فاطمة مصطفى

كما تحدثت الفنانة علا غانم عن مشاكلها الشخصية التي تصدرت حديث مواقع التواصل الاجتماعي منذ فترة، مؤكدة على أنها لا تفضل طرح مثل تلك الأمور على الجمهور.

وقالت علا غانم: أنا حساسة جدًا فيما يخص السوشيال ميديا وبحب أن الجمهور ميشوفش مني غير كل حاجة حلوة أوي، ومش بحب أوصله مشاكل لأن كل واحد عنده مشاكله، فبحب دايمًا أني لما أطلع على جمهوري أطلع بأخبار سعيدة.

وتابعت: ولكن باختصار وكل اللي أقدر أقوله أنه أنا بمر بمرحلة مش حلوة أبدا، ومحاطة بأكاذيب، وفيلم كدا، كل المشاكل اللي عندي دخلت القضاء، وواخدة خطوات في سكك سليمة، وثقتي في القضاء وفي نزاهة قضاء بلدي ثقة عمياء، ومن أسبوع أخدت أولى خطواتي لاسترداد بيتي، وكل حاجة سلبت مني بشكل مجرم هترجعلي وكله هيتحاسب، وأنا معرفش حاجة اسمها انهيار أو فشل.