ويجز عن أحداث غزة: اللي بيحصل معموله خطة.. ودوري أني أقول احنا مش مغيبين

تحدث مطرب الراب ويجز عما يحدث حاليًا في فلسطين، وتحديدًا في غزة، وذلك من خلال لقاء تلفزيوني له ببرنامج هاشتاج، عبر شاشة تلفزيون قناة الجزيرة مباشر.

تحيا مصر

رأي ويجز في الأحداث الجارية

وقال ويجز: من وجهة نظري مفيش حد ييجي يكلمنا إن أمريكا ديمقراطية وعندها حرية لأ بالعكس، أنت بس بتحطني على خط أنا لازم أمشي عليه علشان تبقى دي الحرية وأول ما أطلع عنه أهو ده مش حرية ولا حاجة، نفس الحاجة أنت بتخاف من الناس المختلفة عنك وبتخاف من أشكال الحياة اللي ممكن ماتبقاش واخدة نفس الشكل بتاعك.

وتابع: يعني الاستخبارات الأمريكية مش عارفة وأنا اللي عارف اللي بيحصل في غزة؟ لأ هما مليون في المية عارفين اللي بيحصل في غزة، واللي بيحصل في غزة معمول حسابه ومعموله خطة والناس دي عارفة كويس هي بتعمل إيه.

ويجز: احنا مش مغيبين

وتابع ويجز: أنا دوري كبني آدم إيه؟ أنا دوري إني أوصل صوتي واتكلم وأقول على فكرة إحنا مش مغيبين علشان حاجة زي دي تعدي علينا يعني.

واضاف: طبعًا في ناس بتتفرج على الإعلام الأمريكي ومصدقاه فتغيب يعني أكيد، ماتقوليش غارات على غزة وتجيبلي بيت واقف واخد طلقتين، يعني مش ده البيت اللي اتقصف ودي مش الصورة الحقيقية.

تضامنًا مع فلسطين.. ويجز يتبرع بجزء من أرباح جولته الغنائية في أمريكا

ويجز يطرح أغنية جديدة بعنوان حلوة منك| فيديو

تفاصيل أغنية ايه الدنيا لـ ويجز

وعلى صعيد أخر، كشف مطرب الراب ويجز عن رأيه في ردود الأفعال على أغنيته الجديدة ايه الدنيا، وذلك من خلال لقاء له ببرنامج ET بالعربي.

وقال ويجز: في العادي لما حد بيقولي أغنيتي حلوة بتبسط لأن دي حاجتي اشتغلت عليها، ومفيش حد بيبقى راضي عن شغله مهما كان، وأنا عندي 90% وفيه 10% عايز ازودها كمان.

وعن أعماله الجديدة في الفترة القادمة: أنا مشغول جدا، إجازات بقى، وحاليًا أنا مركز أوي في موضوع الألبوم، ولسه بدري عليه، وبحس أني فخور بنفسي لما بلاقي حد تاني بيغني، وبحس أن المزيكا دي ابتدى يكون ليها شكل جديد، وناس جديدة بتطلع على طول بتعمل مزيكتها وبتعمل شكلها، ودا بيخليني أنا نفسي أسخن تاني.